Urdu TechNews

یاہو پاس ورڈ سیل استعمال کریں اور پاس ورڈ چوری سے بچیں

2007-03-06T07:26:00.000-08:00

از: محمد شاکر عزیز

کبھی آپ نے یاہو میل چیک کرنے کے لیے داخل ہوتے وقت دخولی بکسے کے اوپر اس چیز پر غور کیا ہے؟

یہ یاہو پاس ورڈ سیل ہے۔ اس کی افادیت کا انکشاف ہم پر اس وقت ہوا جب ایک دوست کی یاہو شناخت ایک ہیکر نے اسی طرح چرا لی۔ قصہ مختصر ہوا صرف اتنا کہ اس نے یاہو پیغامبر سے آکر اس کے ایک دوست کی آئی ڈی سے جو پہلے سے ہیک شدہ تھی اسے اپنی پکچر گیلری دیکھنے کی دعوت دی۔ ربط پر کلک کرنے سے وہ صاحب یاہو سائن ان پیج پر پہنچ گئے اور بڑے پیار سے اپنا اسم صارف اور کلمہ شناخت اس کو پکڑا دیا جبکہ وہ جعلی صفحہ تھا۔ لیکن اگر آپ نے پاس ورڈ سیل لگائی ہوئی ہے تو جب بھی اس کمپیوٹر سے یاہو سائن ان صفحہ کھلے گا یہ سیل لازمی نظر آئے گی یوں آپ کو صفحے کے جعلی ہونے کا فورًا پتا چل جائے گا تو شروع کرتے ہیں کام بس چند کلکس کا ہے ۔ اس ربط پر کلک کردیں جس کے گرد بالا تصویر میں دائرہ لگا ہوا ہے۔

اگلا صفحہ یہ ہوگا جس میں اس کی تعریفیں کی گئی ہیں لیکن ہمیں اس سے غرض نہیں آپ سٹارٹ پر کلک کریں اور کام کی بات پر پہنچ جائیں۔

یہاں پر دو قسم کے اختیارات موجود ہیں۔ آپ کوئی عبات لکھ کر سیل بنا لیں یا پھر کوئی تصویر چڑھا لیں ہمیں اول الذکر پسند آیا تھا چناچہ آپ کو اس میں آپ کو جملہ نظر آرہا ہے۔21 حروف تک یہ جملہ لکھنے کے بعد پیش منظر یعنی پیری ویو پر کلک کردیں آپ کے سامنے آپ کی کارگزاری ہوگی۔یاد رہے یونیکوڈ کو سپورٹ نہیں کرتی یاہو پاسورڈ سیل ہم نے کوشش کی تھی لیکن "کاکے کی جان کا ن ہی نظر آتا تھا۔ خیر عبارت کے علاوہ آپ رنگ میں بھنگ سوری رنگ شنگ بھی ڈال سکتے ہیں اس میں جیسا کہ ہم نے نیلا رنگ ڈالا تھا۔ اگلی تصویر میں آپ کو اس کا چاند سا چہرہ نظر آرہا ہوگا جو آپ نے آئندہ سے یاہو پر داخل ہوتے وقت ہر بار برداشت کرنا ہے۔

اب اس کو محفوظ کرلیں لیکن ٹھہریں ہوسکتا ہے بلکہ یقینًا آپ کو اس طرح کی کوئی چیز نمودار ہوکر ڈرانے کی کوشش کرے گی آپ اس کی باتوں میں نا آئیں اور اوکے پر کلک کردیں۔

لیجیے جناب آپ نے ایک عدد پاس ورڈ سیل بنا لی۔ اب ہیکر کی ایسی کم تیسی جو آپ کے پاسورڈ چرا لے جائے۔ موج کریں۔ خوش رہیں اور دوسروں کو خوش رکھیں۔ اگر ہمیں دعاؤں میں یاد رکھیں تو مہربانی ہوگی۔وسلام

(نوٹ:ہوسکتا ہے آپ انٹرنیٹ ایکسپلورر میں یہ چیز یاہو میں سرے سے دیکھ ہی نہ سکیں اس کے لے ہم معذرت خواہ ہیں چونکہ ہم بھی انٹرنیٹ ایکسپلورر 6 تک اس سلسلے میں یاہو پاسورڈ سیل کے اس میں نمودار نہ ہونے کے گواہ ہیں۔ موزیلا فائرفاکس اور اس جیسے دوسرے براؤزر میں یہ چیز نظر آتی ہے

ونڈوز لاک کیجیے

2007-03-05T23:21:00.000-08:00

مصنف: حارث بن خرم

آپ یونیورسٹی میں کوئی فائل ڈاؤن لوڈ کر رہے ہوں ، یا گھر میں کوئی ڈاؤن لوڈنگ یا زیادہ وقت لینے والا کوئی کام کر رہے ہوں اور اس دوران آپ کو کچھ دیر کے لیے کہیں اٹھ کر جانا پڑے ، تو ممکن ہے کہ کوئی شخص آپ کے کمپیوٹر کو چھیڑ بیٹھے اور آپ کا کام خراب کر دے ۔ اس کا حل درج ذیل کمانڈ ہے

start rundll32 user32 LockWorkStation

اس کمانڈ کو استعمال کرنے کا طریقہ یہ ہے کہ اپنے کی بورڈ پر windows اور R کے بٹن ایک ساتھ دبائیے ، command prompt کھل جائے گا ۔ یا سٹارٹ مینیو پر کلک کیجیے اور مینیو میں Run پر کلک کیجیے ، کمانڈ پرامپٹ کھل جائے گا ۔ اس میں درج بالا کمانڈ لکھ کر Enter کا بٹن دبا دیجیے ۔ آپ کی ڈیسک ٹاپ پر موجود سب کچھ غائب ہو جائے گا ۔ صرف آپ کا وال پیپر دکھائی دے گا جس کے اوپر ایک ڈائیلاگ باکس ظاہر ہوگا ۔ اس ڈائیلاگ باکس میں جب تک آپ اپنے کمپیوٹر کا Log On والا User Name اور Password نہیں لکھیں گے ، تب تک کوئی شخص آپ کے کمپیوٹر میں موجود پروگرامز کو تبدیلنہیں کر سکے گا ۔ اس دوران آپ کے پروگرام اور ڈاؤن لوڈنگ وغیرہ کام کرتی رہے گی ۔ جب آپ واپس آکر پاس ورڈ فراہم کریں گے تو آپ کے تمام پروگرام اور ونڈوز بعینیہِ اسی حالت میں ظاہر ہوں گے جس حالت میں آپ انہیں چھوڑ کر گئے تھے ۔

اپ ڈیٹ: اظہر الحق اور ثاقب نے بہت اچھا مشورہ دیا ہے کہ اوپر بیان کیے گئے سارے خرابے کی بجائے صرف Windows+L ایک ساتھ دبا دیں تو بھی کام ہو جائے گا ۔ ان دونوں کا شکریہ ۔ :)

بغیر ڈیٹا کیبل رنگ ٹونز حاصل کیجیے

2007-03-01T23:40:00.000-08:00

کیا آپ کا موبائل فون کسی صحرا کی مانند بنجر ہے؟ کیا آپ کے موبائل میں تھکی ہوئی ڈیفالٹ رنگ ٹونز اور تین تصویروں کے علاوہ کچھ نہیں ہے؟ کیا آپ کے پاس کمپیوٹر سے موبائل میں ڈیٹا ٹرانسفر کرنے والی کیبل بھی نہیں ہے؟ کوئی بات نہیں ۔ ابھی آپ کا مسئلہ حل ہو جاتا ہے ، بشرطیکہ آپ کے موبائل میں WAP کی سہولت موجود ہو ۔ اگر آپ کے موبائل کے مینیو میں Web Services کا آپشن موجود ہے تو اس کا مطلب ہے کہ آپ ویپ استعمال کر سکتے ہیں ۔

آپ جس کمپنی کی SIM استعمال کر رہے ہیں ان کی کسٹمر سروس سے رابطہ کر کے اپنے موبائل پر WAP جاری کروائیے اور پھر اپنے موبائل میں ویب سروسز یا اس سے متعلقہ جو بھی آئیکون موجود ہے اس میں جا کر درج ذیل ایڈریس لکھ کر GO کر دیجیے ۔
http://icheetah.sitesled.com/wap/index.wml
جب آپ انٹرنیٹ سے کنیکٹ ہو جائیں گے تو ایک صفحہ کھلے گا جس پر لکھا ہوگا Welcome to iCheetah ۔ یہاں دیے گئے Links پر جا کر آپ اپنے موبائل میں پاکستانی ، بھارتی ، انگریزی اور عربی Polyphonic Ringtones کے علاوہ خوبصورت وال پیپرز بھی ڈاؤن لوڈ کر سکتے ہیں ۔

نوٹ: اس وقت پاکستان میں WAP کے لیے Telenor کا کنکشن سب سے سستا ہے ۔ ان کے کنکشن پر ویپ کی سبسکرپشن کے کوئی چارجز نہیں لیے جاتے اور آپ ایک روپے میں 100 کلوبائیٹ ڈیٹا ڈاؤن لوڈ کر سکتے ہیں ۔ یعنی اوسطاً بیس عدد رنگ ٹونز یا وال پیپر ۔
ٹیلی نار پر WAP ایکٹیویٹ کرانے کے لیے ایک نئے Text Message میں WAP MobileManufacturer MobileModel لکھ کر 131 پر بھیج دیجیے ۔ آپ کے موبائل میں ویپ کی سیٹنگز ڈاؤن لوڈ ہو جائیں گی اور پھر آپ کسی بھی ویپ سائیٹ مثلاً http://icheetah.sitesled.com/wap/index.wml پر جا کر رنگ ٹونز وغیرہ ڈاؤن لوڈ کر سکیں گے ۔

ہم یہاں مزید WAP سائیٹوں کے روابط بھی فراہم کریں گے ۔

رینکنگ بڑھائیے

2007-03-01T23:19:00.000-08:00

آپ کے بلاگ ، ویب سائیٹ کی سرچ انجن رینکنگ میں روبوٹ کا کردار نہایت اہم ہوتا ہے ۔ گوگل کے بلاگ پر ایک نیا سلسلہ شروع کیا گیا ہے جہاں دی گئی معلومات کے ذریعے آپ اپنی ویب سائیٹ کو سرچ انجن میں اعلیٰ مقام دِلا سکتے ہیں ۔ ملاحظہ کیجیے ۔۔۔

پہلی قسط
دوسری قسط

چور کو پکڑیے

2007-02-28T18:35:00.000-08:00

یونیکوڈ متعارف ہونے سے پہلے اردو ویب سائیٹیں تصویری (gif) مواد پر مشتمل ہوتی تھیں اور اب بھی اردو ویب سائیٹوں کی اکثریت اردو مواد کو تصاویر کی صورت میں پیش کرتی ہے ۔ یونیکوڈ متعارف ہونے کے بعد جوں جوں اس کی افادیت واضح ہوتی جا رہی ہے ، توں توں یونیکوڈ میں اردو مواد بھی بڑھتا جا رہا ہے ۔

تصویری اردو کا ایک فائدہ یہ ہے کہ آپ اردو عبارت کے پسِ منظر میں اپنی سائیٹ کا ایڈریس یا کاپی رائیٹ کی معلومات فراہم کر سکتے ہیں ، یوں اگر کوئی آپ کے مواد کو چوری کرتا ہے تو آپ کو بھی کریڈٹ ملتا ہے ۔ لیکن چونکہ یونیکوڈ میں عبارتی (Text) شکل میں تحریریں شائع کی جاتی ہیں اس لیے اسے آسانی سے چوری کیا جاسکتا ہے ۔ آپ کی "خون پسینے" کی محنت آرام سے دوسری ویب سائیٹوں پر استعمال ہوتی رہتی ہے اور آپ کو پتہ بھی نہیں چلتا کہ کون کون آپ کی تحریروں کو اپنے نام سے شائع کر رہا ہے ۔

اپنے مواد کی چوری کے بارے میں کوئی قدم اٹھانے سے پہلے ضروری ہے کہ آپ کو معلوم ہو کہ کون کون آپ کی تحریریں چوری کر رہا ہے ۔ چور کو پکڑنے کے لیے ایک ویب سائیٹ CopyScape مفت خدمت فراہم کر رہی ہے ۔ اس ویب سائیٹ کے صفحہِ اول پر جاکر دیے گئے خانے میں اپنے بلاگ یا ویب سائیٹ کا ایڈریس لکھیے ۔ ان کا خود کار نظام انٹرنیٹ کی چھان بین کر کے آپ کو بتا دے گا کہ آپ کی تحریریں چوری ہو رہی ہیں یا نہیں ۔ ایک مخصوص رقم ادا کر کے آپ مزید خدمات بھی حاصل کر سکتے ہیں ۔

دماغ کا کنٹرول

2007-02-28T18:20:00.000-08:00

مشرقی چین کے سائنسدانوں نے کبوتر کو اپنی مرضی سے اڑانے کا کامیاب تجربہ کر لیا ہے ۔ ان کا دعویٰ ہے کہ انہوں نے brain-motor skill کے استعمال سے کبوتر کو احکامات دیے جن پر اس نے پوری طرح عمل کیا ۔

دورانِ پرواز کبوتروں کو دائیں ، بائیں ، اوپر ، نیچے حرکت دینے کے لیے ان کے دماغ میں مائیکرو الیکٹروڈز Micro electrodes لگائے گئے ۔ سائنسدانوں کی ٹیم کے سربراہ Su Xuecheng کا کہنا ہے کہ دنیا میں یہ اپنی قسم کا پہلا تجربہ ہے جو کبوتروں پر کامیاب رہا ۔ کہا جا رہا ہے کہ اس تجربے کو جنگی مقاصد کے لیے استعمال کیا جا سکتا ہے ۔

ماخذ: CNET

ویب سے ایس ایم ایس Web to SMS

2007-02-27T15:40:00.000-08:00

اگر آپ انٹرنیٹ سے موبائل پر پیغامات بھیجنا چاہتے ہیں تو یہ تحریر آپ کے لیے ہے ۔ اس وقت کئی ویب سائیٹوں پر ورلڈ وائیڈ ویب سے موبائل پر SMS بھیجنے کی سہولت موجود ہے ۔ مگر یہ دراصل ان کی اپنی محنت نہیں ہے ۔ وہ اصل ویب سائیٹ سے ربط (Link) لے کر اسے اندرونی فریم (Internal Frame) میں لگاتے ہیں اور اشتہارات دکھا دکھا کر آپ کی ناک میں دم کر دیتے ہیں ۔ اور آپ یہ سمجھتے ہیں کہ یہ سہولت وہ فراہم کر رہے ہیں ۔

درج زیل روابط (Links) کے ذریعے آپ براہِ راست اصل ویب سائیٹ پر جا کر Web to SMS کی سہولت استعمال کر سکتے ہیں ۔

Mobilink Pakistan موبلنک پاکستان
Paktel Pakisan پاکٹیل پاکستان
Telenor Pakistan ٹیلی نار پاکستان
UFone Pakistan یو فون پاکستان
Warid Pakistan وارِد پاکستان کے لیے یہ سہولت موجود نہیں ہے

مائیکروسافٹ کی شامتِ اعمال

2007-02-26T23:38:00.000-08:00

آج کل مائیکرو سافٹ کا ستارہ شدید گردش میں ہے ۔ ہر شخص مائیکروسافٹ کی پالیسیوں اور اس کی مصنوعات کو طنز و تشنیع کا نشانہ بنائے ہوئے ہے ۔

ایسے میں ایک دلچسپ صورتِ حال اس وقت پیدا ہوئی جب ایک اے ٹی ایم مشین (ATM Machine) پر "Insert your card to begin transaction" کے الفاظ کی بجائے ایک ڈرائنگ دکھائی دینے لگی ۔ تحقیقات پر معلوم ہوا کہ اس مشین میں Microsoft Windows بطور آپریٹنگ سسٹم کام کر رہی تھی اور اسے اے ٹی ایم کے لیے قابلِ استعمال بناتے وقت اس میں MS Paint کا پروگرام رہنے دیا گیا تھا ۔
ونڈوز میں موجود چور دروازوں کا فائدہ اٹھاتے ہوئے ایک کریکر (Cracker) نے اسے ہیک کر لیا اور ونڈوز میں موجود پینٹ پروگرام میں ایک "عمدہ" ڈرائنگ بنا کر سکرین پر ڈسپلے کر دی ۔ اس معاملے سے جہاں لوگوں کو پریشانی کا سامنا کرنا پڑا ، وہاں یہ ان کے لیے ہنسی کا باعث بھی بن گیا ۔

25 فروری کو مائیکرو سافٹ کو "اُلٹا آنتیں گلے پڑ گئیں" ۔ ایک Toyota FJ Cruiser میں مائیکروسافٹ کی صوتی صنعت "Zune" کی کارکردگی کا مظاہرہ کیا جا رہا تھا ۔ ایک گنجان آباد علاقے میں گاڑی میں موجود ساؤنڈ سسٹم سے بلند آواز میں موسیقی نکالی گئی جس نے لوگوں کو گھروں سے نکلنے پر مجبور کر دیا ۔ وہ لوگ اشتیاق میں نہیں بلکہ گاڑی والوں کا تیا پانچہ کرنے کے لیے نکلے تھے جنہوں نے ان کی قوتِ سماعت کا امتحان لینا چاہا تھا ۔

یاہو کا اشتہاری نظام

2007-02-26T23:31:00.000-08:00

گوگل ایڈسینس کی مقبولیت کو دیکھتے ہوئے سرچ انجن دیو " یاہو! " نے اسی طرز کا ایک اشتہاری نظام وضع کیا تھا ۔ کہا جا رہا ہے کہ یہ ad-ranking system مقبول ہو رہا ہے ۔ اور اس کے اشتہارات پر ہونے والی کلِکوں (clicks) کے اضافے کی وجہ سے !Yahoo کی آمدنی میں بھی اضافہ ہوا ہے ۔

یہاں کلِک کر کے آپ بھی اس ایڈ سسٹم میں شامل ہو سکتے ہیں ۔ واضح رہے کہ یاہو! فی الحال ہر درخواست کو منظور نہیں کر رہا ۔ اکاؤنٹ کھولنے کے لیے ضروری ہے کہ آپ کی ویب سائیٹ کم از کم 10،000 یونیق وزٹ ہر ماہ حاصل کرے ۔

پرانی خبروں کی تلاش

2007-02-26T02:49:00.000-08:00

گوگل نے اپنے آن لائن آپریشن میں توسیع کرتے ہوئے نئے ’گوگل نیوز آرکائیو‘ یا خبروں کے ریکارڈ کے ڈیٹا بیس کی سروس شروع کی ہے۔
اس نئے’ٹول‘ کے ذریعے کمپیوٹر استعمال کرنے والے موجودہ ڈیجیٹل اخبارات سے لے کر گزشتہ 200 سال پرانے آرٹیکل ڈھونڈ سکیں گے۔
اس سرچ کے ذریعے مفت اور قیمت ادا کرکے دیکھے جانے والے ڈیجیٹل اخبارات کے آرٹیکل ڈھونڈے جاسکتےہیں جن میں نیویارک ٹائمز سے لے کر دی گارڈین تک شامل ہیں۔

کمپیوٹر استعمال کرنے والے خاص تاریخوں سے لے کر خاص واقعات کی بنیاد پر خبریں ڈھونڈ سکتے ہیں۔ یعنی چاند پر پہلے قدم کے حوالے سے 1969 کی تاریخ سامنے آئے گی اور ساتھ ہی بعد کی وہ تمام تاریخیں بھی آجائیں گی جن پر چاند پر مختلف مشن بھیجے گئے۔

تمام تھانوں کا ریکارڈ کمپیوٹرائزڈ

2007-01-18T10:02:00.000-08:00

نیشنل پبلک سیفٹی کمیشن نے دہشت گردی اور دیگر جرائم پر قابو کے لئے تمام تھانوں کا ریکارڈکمپیوٹرائزڈ کرنے اور لوگوں کو آن لائن سہولت فراہم کرنے کا منصوبہ اگلے سال جون تک مکمل کرنے کی ہدایت کی ہے جس پر ایک ارب40 کروڑ روپے خرچ آئیں گے۔

یہ فیصلہ نیشنل پولیس بیورو اسلام آباد میں نیشنل پبلک سیفٹی کمیشن کے8 ویں اجلاس میں کیا گیا ۔ اجلاس میں کمیشن کے ارکان کو ملک میں پولیس کے نظام میں انفارمیشن ٹیکنالوجی کی مدد کے منصوبوں کے بارے میں مفصل بریفنگ دی گئی۔ اجلاس کو بتایا گیا کہ آزمائشی طور پر راول پنڈی میں16 پولیس اسٹیشنزاور24 پولیس دفاتر میں نیا نظام نافذکردیا گیاہے جبکہ عوام کو آن لائن معلومات اور کیسزکے اندارج کی سہولت فراہم کرنے کے لئے ملک کے تمام 16سو پولیس اسٹیشنز کو نیٹ ورک سے منسلک کردیا جائے گا۔ کمیشن نے متعلقہ حکام کو ہدایت کی کہ مجرموں اور مشتبہ افراد کے آن لائن شناخت کے آٹومیٹڈ فنگرپرنٹ آئیڈینٹٹی فیکشن کے نظام کو52 اضلاع میں اس سال جون تک نافذ کردیا جائے ۔ اجلاس کو بتایا گیا کہ ملک میں اینٹی گریٹڈ ٹرنک ریڈیو سسٹم کا بھی آغاز کیا جارہاہے جس پر2 ارب روپے خرچ ہوں گے اور یہ منصوبہ اس سال جون کے
آخر تک مکمل کرلیا جائے گا۔

لاہور پولیس کی ویب سائیٹ

ایٹم بم بنانے کی ترکیب

2006-11-03T23:52:00.000-08:00

امریکہ کے سراغ رساں ادارے کے حکام نے ایک ایسی ویب سائٹ کو بند کر دیا ہے، جس کے متعلق ماہرین کا کہنا تھا کہ اس میں ایٹم بم بنانے کے بارے میں بنیادی معلومات دی گئی تھیں۔ اس ویب سائٹ کو جمعرات کو دیر گئے اس وقت بند کر دیا گیا جب اخبار دی نیو یارک ٹائمز نے حکام سے ان شکایات کے بارے میں استفسار کیا جو ہتھیاروں کےبین الاقوامی ماہرین اور اسلحے کی روک تھام کے حکام نے کیے تھے۔
انٹیلیجنس کے ترجمان نے کہا کہ اس انٹرنیٹ سائٹ کا جائزہ لیا جا رہا ہے اور اس بات کو یقینی بنایا جائیگا کہ اس میں عوام کے مطالعے کے لئے مناسب مواد فراہم کیا جائے۔

بشکریہ: وائس آف امریکہ

نيا اوبنٹو

2006-10-27T18:48:00.000-07:00

اوبنٹو کا نیا وزژن 6.10 میدان میں آ گیا ہے!! یہ ورژن دراصل اتفاق سے ریڈ ہیٹ فیڈورا کور ٦ کی ریلیز کے ٹھیک دو دن بعد ہوا!!! اوبنٹو کی اس ایلیز میں کئی خوبیاں ہیں، اس ورژن میں فائر فوکس دوئم، ایف- سپاٹ، گنوم2.16،اپ سٹاٹ اور دیگر شامل ہیں مزید معلومات کے لئے ریلیز نوٹ ملاحظہ ہو!!!

ہاں آپ اسی ڈاون لوڈ تو کر سکتے ہیں مگر مفت گھر نہیں منگوا سکتے!!!

گوگل نے یوٹویب خرید لیا

2006-10-10T06:24:00.000-07:00

ویب سرچ گوگل تفریحی ویڈیو والی ویب سائٹ یو ٹویب (YouTube) کو ایک ارب پینسٹھ ملین ڈالر کے عوض خریدنے پر تیار ہوگئی۔
یو ٹویب کا آغاز صرف انیس مہینے پہلے ایک گیراج سے ہوا تھا اور اس کا شمار مشہور تفریحی ویب سائٹوں میں ہوتا ہے۔ اس کے ماہانہ دیکھنے والوں کی تعداد بہتر (72) ملین ہے۔
گوگل اور یو ٹویب صارفین کے تعاون سے اپنا ڈیٹا بڑھاتے ہیں اور تھوڑے ہی عرصے میں دونوں نے حیران کن ترقی کی ہے۔
یوٹویب خریدنے کے باوجود گوگل اپنی گوگل ویڈیو کو جاری رکھے گا اور اس کے ساتھ یوٹویب اپنی علیحدہ حثیت سے چلتی رہے گی۔
یوٹویب پر لوگ اپنی ویڈیو لگا سکتے ہیں جہاں اسے کوئی بھی دیکھ سکتا ہے۔
یوٹویب کا آغاز صرف انیس مہینے پہلے ہوا اور آج اس پر ایک سو ملیئن ویڈیو کلپ موجود ہیں۔
ماہرین کا خیال ہے کہ یوٹویب اور گوگل کا اکھٹا ہونا ویب سائٹ کے استعمال کرنے والوں کے تعاون سے بننے والی سائٹ کے لیئے بہت بڑی بات ہے۔
یوٹویب کو فروری 2005 میں کچھ ویڈیو کے شوقین افراد نے ایک گیرج سے شروع کیا اور اب بھی اس کے سٹاف کی تعداد صرف سڑسٹھ ہے۔ خبر کی تفصیل

بھارت کا اردو ریڈیو

2006-09-16T03:52:00.000-07:00

دور درشن کے بعد ، اب بھارت میں 24 گھنٹے نشریات فراہم کرنے والا اردو ریڈیو چینل شروع کیا گیا ہے ۔7 ستمبر2006 کو ورلڈسپیس ریڈیو انڈیا (Worldspace Radio, India)نے "فلک" کے نام سے خصوصی اردو ریڈیو چینل جاری کیا گیا ہے ۔ اس کی چند نشریات کی فہرست دی جارہی ہے ۔
تاریخ کے جھروکے سے
فلمی سوغات
اقوالِ زریں
بزمِ خانم
صوفیانہ کلام
غزل اس نے کہ دی
شمعِ فروزاں

کمپنی کے مینجنگ ڈائریکٹر شیشر لعل کے مطابق اس ریڈیو کا مقصد اردو کی دیرینہ سحر انگیز خوبصورتی کو اجاگر کرنا ہے ۔ اس کے ذریعے موسیقی کے شائقین کے ذوق کی تسکین کی جائے گی ۔ اس چینل پر بیشتر پاکستانی گلوکاروں کے گیت نشر کیے جارہے ہیں ۔

ماخذ

بلاگر کے لیے فلکر سپورٹ

2006-09-15T03:40:00.000-07:00

بلاگر بیٹا (Blogger Beta) کے لیے فلکر (Flickr) نے سپورٹ مہیا کردی ہے ۔ اب آپ اپنے فلکر اکاؤنٹ سے براہِ راست اپنے بلاگ پر تصویریں شائع کر سکتے ہیں ۔ایک اہم بات ۔ بلاگر کا صارف جب اپنے بلاگ کو فلکر اکاؤنٹ میں شامل کرے گا تو فلکر اس کے بلاگر اکاؤنٹ کی معلومات طلب کرے گا ۔ یہ معلومات فلکر کسی صورت میں بھی نہیں دیکھ سکے گا ، بلکہ اس مقصد کے لیے وہ آپ کو گوگل (Google) کے اپنے صفحہ پر لے جائے گا ، جہاں آپ اپنا صارفی نام (username) اور خفیہ لفظ (password) تحریر کریں گے ، پھر آپ واپس فلکر کے صفحہ پر آجائیں گے ۔ اس طرح آپ کی گوگل اکاؤنٹ کی معلومات فلکر تک نہیں پہنچ پائی گی ۔
اس عمل کے بعد آپ کا بلاگ آپ کے فلکر اکاؤنٹ میں شامل ہو جائے گا اور آپ کا فلکر اکاؤنٹ آپ کے گوگل اکاؤنٹ میں شامل ہو جائے گا ۔ اس طرح آپ ان دونوں جگہوں سے اپنے متعلقہ اکاؤنٹ تک رسائی حاصل کر سکیں گے ۔

مزید معلومات

ایم ایس این لائیو سرچ

2006-09-12T09:59:00.000-07:00

مائیکروسافٹ آج سے باقاعدہ طور پر ایم ایس این لائیو سرچ کا آغاز کر رہا ہے جو اِس سے پہلے صرف بیٹا ورژن میں دستیاب تھی، لائیو سرچ ایم ایس این سرچ کے متبادل کے طور پر کام کرے گی ۔
مائیکروسافٹ اِس نئے سرچ انجن کی مدد سے اپنے حریفوں ، گوگل اور یاہو کی فراہم کردہ سہولیات کا مقابلہ کرنے کی کوشش کررہا ہے، پچھلے سالوں میں ایم ایس این سرچ اپنے حریفوں سے بہت پیچھے رہ گیا ہے صرف اسی سال جولائی کے مہینے میں صرف ۹ اعشاریہ ۶ فی صد لوگوں نے ایم ایس این سرچ کا استعمال کیا ہے ، جبکہ گوگل کو ۴۹ اعشاریہ ۲ فی صد اور یاہو کو ۲۳ اعشاریہ ۸ فی صد لوگوں نے استعمال کیا ہے۔
لائیو سرچ مائیکروسافٹ کی نئے تعارفی نام لائیو ڈاٹ کام کا جزو ہے جِس کے تحت مائیکروسافٹ مستقبل میں اپنی تمام مصنوعات کا اجراء کر رہا ہے ۔

بلاگر سات سال پہلے

2006-09-01T05:15:00.000-07:00

سات سال پہلے 1999-08-23 کو جب evhead نے بلاگر کے افتتاح کا اعلان کیا تو بلاگر کی شکلایسی تھی

بلاگر بیٹا Blogger Beta

2006-08-30T04:20:00.000-07:00

بلاگر کی نئی سروس Blogger Beta کی خصوصیات درج ذیل ہیںبلاگ کے ٹیمپلیٹ کی HTML کو چھیڑے بغیر فونٹ، رنگ اور سائیڈ بار کے عناصر میں تبدیلی ۔

صفحات کے عناصر کو ڈریگ اور ڈراپ (drag & drop) کرنے کی سہولت ۔

permissions کے ذریعے پرائیویٹ بلاگ بنانے کی سہولت

نئے ٹیمپلیٹس

فیڈ کے مزید آپشنز میں خطوط اور تبصروں کے الگ الگ فیڈ فراہم کیے گئے ہیں ، نیز مکمل یا جزوی خطوط کی فیڈ فراہم کرنے کی سہولت بھی شامل کی گئی ہے ۔ Atom 1.0 کے ساتھ ساتھ RSS 2.0 کی سہولت بھی شامل کی گئی ہے ۔

ڈیش بورڈ پر نئی سہولیات

اب آپ کو “Publishing…” کا لفظ دیکھنے کی زحمت نئی اٹھانی پڑے گی ۔ بس پوسٹ لکھیے اور شائع کیجیے ۔

مزید معلومات کے لیے دیکھیے
بلاگر بیٹا کا ٹؤر

Yahoo! Messenger 8.0.0.701

2006-08-15T19:45:00.000-07:00

ہو سکتا ہے کہ یہ خبر پرانی ہو مگر میرے لیے نئی ہے کہ یاہو میسنجر (Yahoo! Messenger) کا نیا ورژن 8.0.0.701 جاری ہو گیا ہے ۔اس کی خاص بات یہ ہے کہ اس کے ذریعے آپ مائیکروسافٹ نیٹ ورک کے میسنجر (MSN) پر بھی آن لائن ہو سکتے ہیں ۔ اس کے علاوہ اس میں بلاگنگ کا فیچر بھی ہے ۔

Download Yahoo! Messenger 8.0.0.701 یاہو! میسنجر ڈاؤن لوڈ کیجیے

پاکستانی کی پہلی فائبر آپٹیکل کیبل

2006-08-14T02:25:00.000-07:00

پاکستان کے پہلے نجی زیرآب فائبر آپٹک انٹرنیٹ کیبل نیٹ ورک "ٹرانس ورلڈ ایسوسی ایٹس ون (Trans World Associates One)" کا افتتاح ہو گیا ہے ۔یہ 1250 کلومیٹر طویل زیر آب کیبل فجیرہ (متحدہ عرب امارات) اور السیب (عمان) سے گزرتا ہوا کراچی (پاکستان) تک آتا ہے ۔ اس منصوبے کا آغاز نومبر 2005 میں کیا گیا تھا اور یہ کیبل نیٹ ورک ٹرانس ورلڈ ایسوسی ایٹس پرائیویٹ لمیٹڈ کی زیرِ نگرانی تعمیر کیا گیا ہے ۔
ٹرانس ورلڈ ایسوسی ایٹس پرائیوٹ لمیٹڈ؛ اورس کام ٹیلی کام (مصر)، صیف گروپ (پاکستان) اور مزیسٹ گروپ (عمان) کا مشترکہ منصوبہ ہے ۔

بچاس ملین ڈالر کی لاگت سے تیار ہونے والا یہ انٹرنیٹ کیبل نیٹ ورک ڈینس ویولینتھ ڈویژن ملٹی پلیکسنگ (DUUDM) کے تحت کام کرتا ہے اور 1.28 ٹیرا بائٹس فی سیکنڈ کی رفتار سے ڈیٹا ٹرانسفر کرنے کی صلاحیت رکھتا ہے ۔

اس کیبل کے فجیرہ اور السیب میں موجود لینڈنگ سٹیشن کی دیکھ بھال اور متحدہ عرب امارات اور عمان کے دیگر انٹرنیٹ کیبلز سے کنکشن قائم کرنا مقامی ٹیلی مواصلاتی کمپنیوں اتصالات اور عمان ٹیل کی ذمہ داری ہوگی ۔ "ٹی ڈبلیو ون" کیبل کا ایک لینڈنگ سٹیشن کراچی میں ہاکس بے پر بھی قائم کیا گیا ہے ۔ ٹی ڈبلیو ون کیبل سے پہلے پاکستان کے انٹرنیٹ صارفین کی ضروریات پوری کرنے کے لیے دو بین الاقوامی انٹرنیٹ لنک SE ME WE 3 اور SE ME WE 4 موجود تھے جو پاکستان ٹیلی کمینویکشن لمیٹد کے زیر اختیار ہیں ۔

فائرفوکس اور ریئل نیٹ ورک

2006-08-03T18:17:00.000-07:00

آیا یہ فائر فوکس کی ایک اور کامیابی!!!! اب جب بھی کوئی ریئل پلیئر انسٹال کرے گا اسے یہ آپشن بھی ملے گا کہ کیا وہ فائرفوکس انسٹال کرنا چاہتا ہے؟؟؟ یہ سب ایک معاہدہ کی بناء پر ہوا جس کے تین فریق ہیں ریئل میڈیا، گوگل اور فائر فاکس (موگزیلا) ہیں!!! سنا ہے کہ ریئل نیٹ ورک نے یہ اپنے مقابل مائیکروسافٹ کے میڈیا پلیئر کے خار میں کیا ہے گوگل سے ریئل نیٹ ورک کا ایسا معاہدہ دوسال قبل ہو چکا ہے!!!!

١٠٠ کی بورڈ شارٹ کٹ

2006-06-07T12:28:00.000-07:00

ذیل میں بہت سے ایسے شارٹ کٹ ہیں جو آپ نہیں جانتے ہوں گے یا آپ کے لئے نئے ہوں گے۔
انہیں دیکھیں، چیک کریں، آزمائیں اور اپنے لئے آسانیاں پیدا کریں۔

CTRL+C (Copy)
CTRL+X (Cut)
CTRL+V (Paste)
CTRL+Z (Undo)
DELETE (Delete)
SHIFT+DELETE (Delete the selected item permanently without placing the item in the Recycle Bin)
CTRL while dragging an item (Copy the selected item)
CTRL+SHIFT while dragging an item (Create a shortcut to the selected item)
F2 key (Rename the selected item)
CTRL+RIGHT ARROW (Move the insertion point to the beginning of the next word)
CTRL+LEFT ARROW (Move the insertion point to the beginning of the previous word)
CTRL+DOWN ARROW (Move the insertion point to the beginning of the next paragraph)
CTRL+UP ARROW (Move the insertion point to the beginning of the previous paragraph)
CTRL+SHIFT with any of the arrow keys (Highlight a block of text)
SHIFT with any of the arrow keys (Select more than one item in a window or on the desktop, or select text in a document)
CTRL+A (Select all)
F3 key (Search for a file or a folder)
ALT+ENTER (View the properties for the selected item)
ALT+F4 (Close the active item, or quit the active program)
ALT+ENTER (Display the properties of the selected object)
ALT+SPACEBAR (Open the shortcut menu for the active window)
CTRL+F4 (Close the active document in programs that enable you to have multiple documents open simultaneously)
ALT+TAB (Switch between the open items)
ALT+ESC (Cycle through items in the order that they had been opened)
F6 key (Cycle through the screen elements in a window or on the desktop)
F4 key (Display the Address bar list in My Computer or Windows Explorer)
SHIFT+F10 (Display the shortcut menu for the selected item)
ALT+SPACEBAR (Display the System menu for the active window)
CTRL+ESC (Display the Start menu)
ALT+Underlined letter in a menu name (Display the corresponding menu)
Underlined letter in a command name on an open menu (Perform the corresponding command)
F10 key (Activate the menu bar in the active program)
RIGHT ARROW (Open the next menu to the right, or open a submenu)
LEFT ARROW (Open the next menu to the left, or close a submenu)
F5 key (Update the active window)
BACKSPACE (View the folder one level up in My Computer or Windows Explorer)
ESC (Cancel the current task)
SHIFT when you insert a CD-ROM into the CD-ROM drive (Prevent the CD-ROM from automatically playing)
Dialog Box Keyboard Shortcuts
CTRL+TAB (Move forward through the tabs)
CTRL+SHIFT+TAB (Move backward through the tabs)
TAB (Move forward through the options)
SHIFT+TAB (Move backward through the options)
ALT+Underlined letter (Perform the corresponding command or select the corresponding option)
ENTER (Perform the command for the active option or button)
SPACEBAR (Select or clear the check box if the active option is a check box)
Arrow keys (Select a button if the active option is a group of option buttons)
F1 key (Display Help)
F4 key (Display the items in the active list)
BACKSPACE (Open a folder one level up if a folder is selected in the Save As or Open dialog box)
m*cro$oft Natural Keyboard Shortcuts
Windows Logo (Display or hide the Start menu)
Windows Logo+BREAK (Display the System Properties dialog box)
Windows Logo+D (Display the desktop)
Windows Logo+M (Minimize all of the windows)
Windows Logo+SHIFT+M (Restore the minimized windows)
Windows Logo+E (Open My Computer)
Windows Logo+F (Search for a file or a folder)
CTRL+Windows Logo+F (Search for computers)
Windows Logo+F1 (Display Windows Help)
Windows Logo+ L (Lock the keyboard)
Windows Logo+R (Open the Run dialog box)
Windows Logo+U (Open Utility Manager)
Accessibility Keyboard Shortcuts
Right SHIFT for eight seconds (Switch FilterKeys either on or off)
Left ALT+left SHIFT+PRINT SCREEN (Switch High Contrast either on or off)
Left ALT+left SHIFT+NUM LOCK (Switch the MouseKeys either on or off)
SHIFT five times (Switch the StickyKeys either on or off)
NUM LOCK for five seconds (Switch the ToggleKeys either on or off)
Windows Logo +U (Open Utility Manager)
Windows Explorer Keyboard Shortcuts
END (Display the bottom of the active window)
HOME (Display the top of the active window)
NUM LOCK+Asterisk sign (*) (Display all of the subfolders that are under the selected folder)
NUM LOCK+Plus sign (+) (Display the contents of the selected folder)
NUM LOCK+Minus sign (-) (Collapse the selected folder)
LEFT ARROW (Collapse the current selection if it is expanded, or select the parent folder)
RIGHT ARROW (Display the current selection if it is collapsed, or select the first subfolder)
Shortcut Keys for Character Map
After you double-click a character on the grid of characters, you can move through the grid by using the keyboard shortcuts:
RIGHT ARROW (Move to the right or to the beginning of the next line)
LEFT ARROW (Move to the left or to the end of the previous line)
UP ARROW (Move up one row)
DOWN ARROW (Move down one row)
PAGE UP (Move up one screen at a time)
PAGE DOWN (Move down one screen at a time)
HOME (Move to the beginning of the line)
END (Move to the end of the line)
CTRL+HOME (Move to the first character)
CTRL+END (Move to the last character)
SPACEBAR (Switch between Enlarged and Normal mode when a character is selected)
m*cro$oft Management Console (MMC) Main Window Keyboard Shortcuts
CTRL+O (Open a saved console)
CTRL+N (Open a new console)
CTRL+S (Save the open console)
CTRL+M (Add or remove a console item)
CTRL+W (Open a new window)
F5 key (Update the content of all console windows)
ALT+SPACEBAR (Display the MMC window menu)
ALT+F4 (Close the console)
ALT+A (Display the Action menu)
ALT+V (Display the View menu)
ALT+F (Display the File menu)
ALT+O (Display the Favorites menu)
MMC Console Window Keyboard Shortcuts
CTRL+P (Print the current page or active pane)
ALT+Minus sign (-) (Display the window menu for the active console window)
SHIFT+F10 (Display the Action shortcut menu for the selected item)
F1 key (Open the Help topic, if any, for the selected item)
F5 key (Update the content of all console windows)
CTRL+F10 (Maximize the active console window)
CTRL+F5 (Restore the active console window)
ALT+ENTER (Display the Properties dialog box, if any, for the selected item)
F2 key (Rename the selected item)
CTRL+F4 (Close the active console window. When a console has only one console window, this shortcut closes the console)
Remote Desktop Connection Navigation
CTRL+ALT+END (Open the m*cro$oft Windows NT Security dialog box)
ALT+PAGE UP (Switch between programs from left to right)
ALT+PAGE DOWN (Switch between programs from right to left)
ALT+INSERT (Cycle through the programs in most recently used order)
ALT+HOME (Display the Start menu)
CTRL+ALT+BREAK (Switch the client computer between a window and a full screen)
ALT+DELETE (Display the Windows menu)
CTRL+ALT+Minus sign (-) (Place a snapshot of the active window in the client on the Terminal server clipboard and provide the same functionality as pressing PRINT SCREEN on a local computer.)
CTRL+ALT+Plus sign (+) (Place a snapshot of the entire client window area on the Terminal server clipboard and provide the same functionality as pressing ALT+PRINT SCREEN on a local computer.)
m*cro$oft Internet Explorer Navigation
CTRL+B (Open the Organize Favorites dialog box)
CTRL+E (Open the Search bar)
CTRL+F (Start the Find utility)
CTRL+H (Open the History bar)
CTRL+I (Open the Favorites bar)
CTRL+L (Open the Open dialog box)
CTRL+N (Start another instance of the browser with the same Web address)
CTRL+O (Open the Open dialog box, the same as CTRL+L)
CTRL+P (Open the Print dialog box)
CTRL+R (Update the current Web page)
CTRL+W (Close the current window)

ویب سرور لگائیے Host Your Website Yourself

2006-05-07T06:24:00.000-07:00

Get your own Web and SMTP Server for FREE
No additional charges, just a computer and an Internet connection required.

اپنے کمپیوٹر میں ویب سرور لگانا ، یعنی اپنی ویب سائٹ (website) کو خود ہوسٹ (host) کرنا بہت آسان ہے ۔ مگر یاد رکھیے کہ اس کے لیے ضروری ہے کہ آپ کا کمپیوٹر 24 گھنٹے چالو (on) حالت میں انٹرنیٹ سے منسلک (connected) رہے ۔ اگر ایسا نہیں ہے تو پھر آپ کی ویب سائٹ صرف اسی وقت دیکھی جا سکے گی جب آپ کا کمپیوٹر چل رہا ہوگا اور انٹرنیٹ سے منسلک ہوگا ۔ مندرجہ ذیل طریقہ کار سے آپ SMTP سرور بھی لگا سکتے ہیں ۔اگر ہر بار انٹرنیٹ سے منسلک ہونے پر آپ کا آئی پی ایڈریس تبدیل ہو جاتا ہے تو ایسے آئی پی ایڈریس کو ڈائنامک (Dynamic IP address) کہتے ہیں ۔ مثلاً اگر آپ ڈائل اپ کنکشن (dialup connection) استعمال کرتے ہیں تو آپ کا آئی پی ایڈریس ڈائنامک ہوگا ۔ مثلاً میں WOL کا ڈائل اپ کنکشن استعمال کرتا ہوں ۔ جب میں انٹرنیٹ سے منسلک ہوتا ہوں تو میرا آئی پی ایڈریس 202.154.250.xxx ہوتا ہے ۔ اس نمبر میں ایکس کے حروف یہ ظاہر کرتے ہیں کہ اگلی بار جب میں انٹرنیٹ سے منسلک ہوں گا تو یہاں کوئی دوسرا نمبر ہوگا ، یعنی میرا آئی پی ایڈریس اگلی بار تبدیل ہو جائے گا ۔

عام ویب سائٹ کا آئی پی ایڈریس مستقل (permanent, static) ہوتا ہے جسے براؤزر میں ٹائپ کرنے سے یا ویب سائٹ کا ایڈریس لکھنے سے وہ ویب سائٹ دیکھی جا سکتی ہے ۔ لیکن اگر آپ ڈائل اپ کنکشن کے ذریعے اپنی ویب سائٹ تک رسائی (access) فراہم کرتے ہیں تو دوبارہ منسلک (reconnect) ہونے پر آپ کا آئی پی ایڈریس تبدیل ہو جاتا ہے اور آپ کی ویب سائٹ تک رسائی نا ممکن ہوجاتی ہے ۔ اس مسئلے سے نمٹنے کے لیے ہمیں ایک ایسا نظام چاہیے جو خود کار (automatically) طریقے سے ویب سائٹ کا آئی پی ایڈریس بدل دے ۔ یہ نظام No-IP والے مفت فراہم کرتے ہیں ۔

اب دیکھتے ہیں کہ ویب سرور کیسے نصب (setup) کرنا ہے ۔ اگر آپ کے کمپیوٹر میں کوئی سدِّ آتش (firewall) نصب ہے تو مندرجہ ذیل اقدامات سے پہلے اسے بند (disable) کر دیجیے ۔

سب سے پہلے آپ اپنا موجودہ آئی پی ایڈریس معلوم کیجیے ۔ سسٹم ٹرے (system tray) میں جو انٹرنیٹ سے منسلک ہونے کا آئیکون (icon) ظاہر ہوتا ہے اس پر ڈبل کلک کرنے سے آئی پی ایڈریس معلوم ہو جاتا ہے ۔ اگر ایسا نہ ہو تو Start Menu میں جا کر Run پر کلک کیجیے اور اس کی ان پٹ فیلڈ میں cmd لکھ کر enter کا بٹن دبا دیجیے ۔ آپ کے سامنے ایک کمانڈ پرامپٹ (command prompt) آجائے گا ، اس میں ipconfig لکھ کر enter کیجیے ، آپ کا آئی پی ایڈریس سامنے آجائے گا ۔

اب CanYouSeeMe پر جاکر معلوم کیجیے کہ کیا آپ کا انٹرنیٹ سروس پرووائیڈر (ISP) آپ کو اپنا ویب سرور چلانے کی اجازت دیتا ہے یا نہیں ۔ اس سائٹ پر جا کر اپنا آئی پی ایڈریس لکھنے پر آپ کو معلوم ہو جائے گا کہ آپ کی آئی ایس پی آپ کو Port 80 کی اجازت دیتی ہے یا نہیں ، ہمارا کام دراصل اِسی پورٹ 80 سے ہے ۔

اگر آپ کو Port 80 کو استعمال کرنے کی آزادی (permission) ہے تو سمجھیے کام ہوگیا ۔ اب آپ نے کوئی ویب سرور سافٹ ویر انسٹال کرنا ہے ۔ ونڈوز98 کے لیے Personal Web Server اور ونڈوز ایکس پی کے لیے Internet Information Services کے نام سے سافٹ ویر موجود ہیں جو ونڈوز کی انسٹالیشن سی ڈی میں موجود ہوتے ہیں ۔ ان کی تنصیب (installation) اور استعمال کا طریقہ کار بعد میں لکھا جائے گا ۔ فی الحال ہم مشہورِ زمانہ اپاچی (Apache) سرور سے کام لینے کا طریقہ دیکھتے ہیں ۔

اگر آپ Apache, PHP اور MySQL کے سیٹ اپ الگ الگ ڈاؤن لوڈ کریں تو ایک مبتدی کی حیثیت سے شاید آپ کو دشواری کا سامنا کرنا پڑے ۔ میں Uniform Server استعمال کرتا ہوں ۔ اس کی 3MB کی فائل میں Apache, PHP, MySQL, Perl, phpMyAdmin اور دیگر کئی سہولیات پہلے سے ہی موجود ہوتی ہیں ۔ یونیفارم سرور کو یہاں سے ڈاؤن لوڈ کیجیے۔

یونیفارم سرور کی فائل کو ڈاؤن لوڈ کرکے اپنی ہارڈ ڈرائیو میں کہیں بھی unzip کر لیجیے ۔ مثال کے طور پر اسے \:C ڈرائیو میں محفوظ کیجیے ۔ اب اس کا فولڈر کھول کر سرور سٹارٹ کر لیجیے ، اور اطمینان کر لیجیے کہ یہ درست طور پر کام کر رہا ہے ۔ آپ کی ویب سائٹ کی index فائل C:\Uniform Server\diskw\www فولڈر میں موجود ہونی چاہیے ، یہ آپ کی ویب سائٹ کی روٹ ڈائریکٹری ہے ۔

اب آپ اپنے براؤزر (internet browser) میں www.no-ip.com ٹائپ کیجیے اور ویب سائٹ کھلنے پر وہاں اپنا اکاؤنٹ (signup) بنا لیجیے ۔ رجسٹریشن (registeration) کا عمل مکمل ہونے پر لاگ ان (login) کیجیے ۔ اوپر آپ کا ای میل ایڈریس اور آئی پی ایڈریس ظاہر ہوگا اور بائی جانب Hosts / Redirects کا ربط (link) موجود ہوگا ۔ اس پر کلک کرنے سے نیچے مزید روابط (links) ظاہر ہوں گے ، ان میں سے Add کے ربط پر کلک کیجیے ۔

اب آپ کے سامنے ایک فارم (form) آجائے گا ۔ اس میں اوپر Host Name میں وہ ایڈریس دیجیے جو آپ چاہتے ہیں ۔ اگر آپ کے پاس اپنی ڈومین (domain name) موجود ہے تو وہ دیجیے ورنہ کوئی لفظ لکھ کر نیچے موجود مفت ایڈریسز استعمال کیجیے ۔ مثلاً میں نے Host Name میں icheetah لکھا اور نیچے no-ip.info منتخب کیا تو میری ویب سائٹ کا ایڈریس http://icheetah.no-ip.info بن گیا ۔
اس سے نچلے خانے میں Host Type میں سے Port 80 Redirect منتخب کیجیے ۔
ان خانوں کے نیچے IP Address کا خانہ ہوگا جس میں آپ کا آئی پی ایڈرس پہلے سے (already) موجود ہوگا ، اگر نہ ہو تو آپ لکھ دیجیے ۔
اب سب سے نیچے آکر Create Host کے بٹن پر کلک کیجیے ، سب سیٹ اپ ہو جائے گا ۔

آپ کا یونیفارم سرور تو چل رہا ہے ناں؟ ٹھیک ہے ۔ اپنے براؤزر میں http://localhost/apanel ٹائپ کرنے پر اس کا کنٹرول پینل کھل جائے گا ۔ صفحے پر بائیں طرف موجود Configuration کی سرخی کے نیچے Apache Configuration کے ربط پر کلک کیجیے ۔ اگلا صفحہ کھلنے پر Server Name کے خانے میں اپنی سائٹ کا ایڈریس اور پورٹ نمبر دیجیے ، مثال کے طور پر icheetah.no-ip.info:80 میرا سرور نیم ہے ۔ اب نیچے Save کے بٹن پر کلک کر دیجیے ۔ اب سرور کو Stop کر کے دوبارہ Start کیجیے ۔

اب http://www.no-ip.com/downloads.php پر جا کر No-IP Dynamic Update Client (DUC) ڈاؤن لوڈ کر کے انسٹال کر لیجیے اور اس کو چلا کر اپنا ای میل اور وہ پاس ورڈ دے دیجیے جو آپ نے no-ip پر رجسٹریشن کے وقت دیا تھا ۔ چیک کر لیجیے کہ یہ کلائنٹ انٹرنیٹ سے منسلک افعال درست طور پر انجام دے رہا ہے ۔ اگر ایسا ہے تو پانچ منٹ کے وقفے کے بعد آپ کی ویب سائٹ آن لائن ہو جائے گی ۔

اگر براؤزر میں سائٹ کا ایڈریس لکھنے پر Forbidden اور You Don't Have Permissions کے الفاظ ظاہر ہوں تو اپنی روٹ ڈائریکٹری (www) میں موجود htaccess. فائل میں بیرونی رسائی کے متعلق configuration کر دیجیے ، اگر آپ کو ایسا کرنا نہیں آتا تو اس فائل کو ختم (delete) کر دیجیے ، آپ کی سائٹ ظاہر ہو جائے گی ۔

مجھے امید ہے کہ یہ سبق (tutorial) آپ کو پسند آیا ہوگا ۔ مجھے آپ کی تجاویز اور آرا کا انتظار رہے گا ۔ اگر آپ کو اس سے متعلق کسی تکنیکی مدد کی ضرورت ہو تو رابطہ کیجیے ۔

آگ ٹی وی GEO Launches new TV Channel

2006-04-04T00:12:00.000-07:00

جیو ٹی وی والے ایک نیا چینل شروع کر رہے ہیں جس کا نام "آگ" رکھا گیا ہے ۔ آگ ٹی وی کی ویب سائٹ پر یہ intro موجود ہے ۔

Geo Tv is going to launch new Tv channel. They are also hiring people. So you can apply for a job there. Thier intro is following.

اب پوچھو

2006-02-27T15:43:00.000-08:00

آسک کی پیر والے دن ری لانچ ہوئی ہے، ایک مکمل نیا سانچہ بنایا گیا ہے، ویب بیس ڈسک ٹاپ سرچ نیز سادہ اور کم اشتہارات کا حامل سرچ رزلٹ۔۔۔۔

کمپنی کا کہنا ہے کہ اس کی تمام توجہ سرچ انجن پر پرمرکوز ہو گی کیونکہ صارف ایک اچھے رزلٹ کا خواہاں ہوتا ہے۔آئی اے سی کو امید ہے کہ ویب سائیٹ میں یہ تبدیلی اسے گوگل کا مقابلہ کرنے کی مدد دے گی۔۔ اس وقت آسک ڈاٹ کوم کے پوزیشن پانچویں ہے۔۔۔۔ کمپنی نے اسے ایک اہم سنگ میل قرار دیا ہے۔۔۔۔

کمپیوٹر جاسوسی سے ہوشیار

2006-02-24T01:53:00.000-08:00

Dear Subscribers due to shifting of our head office the usual posting of Urdu Tech News was discontinued, we are very sorry for letting you bored for a long period. We will try to post news on a daily basis now on.

Editor: Harris bin Khurram.

مطا لعے کے مطابق بعض کمپیوٹرز میں ایسے سا فٹ ویئر پوشیدہ ہوتے ہیں جو اس بات کی خبر رکھتے ہیں کہ صارف آن لائن ہو کر کیا کیا کرتا ہے۔
امریکہ میں نیٹ کی سہولت فراہم کرنے والے ادارے ارتھ لنک کا کہنا ہے کہ ذاتی استعمال کے ہر کمپیوٹر پر سال کے ابتدائی تین ماہ میں اس نے اٹھائیس ایسے خفیہ سافٹ ویئر کا پتہ چلایا ہے جوصارف کے آن لائن کے استعمال پر نظر رکھتے ہیں۔
یہ خفیہ سافٹ ویئر جنہیں سپائی ویئر بھی کہا جاتا ہے، ذاتی استعمال کے کمپیوٹر میں کچھ اس طرح گھر بنا لیتے ہیں کہ صارف کو خبر تک نہیں ہوتی۔
اور یہ مسئلہ امریکہ میں اتنا گھمبیر ہوگیا ہے کہ وہاں اس سپائی ویئر کو روکنے یا اس معاملے کو قانونی شکل دینے کی باتیں ہو رہی ہیں۔
ارتھ لنک کی یہ تحقیق جنوری سے مارچ تک تقریباً ایک لاکھ کمپیوٹروں کی چھان بین کا نتیجہ ہے۔
تحقیق کے مطابق یہ سپائی سافٹ ویئر بعض اوقات اس فائل میں موجود ہوتے ہیں جو کسی ویب سائٹ سے ڈاؤن لوڈ کی جاتی ہے۔ اور اس کی تفصیل لائیسنس کے اس سمجھوتے میں لکھی ہوتی ہیں جسے صارف کو ماننا پڑتا ہے اور جو انتہائی چھوٹی تحریر میں لکھا ہوتا ہے۔
تاہم کبھی کبھی سپائی سافٹ ویئر کو صارف کی اجازت کی ضرورت بھی نہیں رہتی اور کسی فائل کے ڈاؤن لوڈ کرنے کے ساتھ ہی یہ سافٹ ویئر کمپیوٹر کی ہارڈ ڈسک تک پہنچ جاتا ہے۔
ماہرین کا کہنا ہے کہ عام سپائی ویئر کے کمپیوٹر پر جگہ بنانے کا ثبوت یہ ہوتا ہے کہ صارف کو اچانک اچھل کر(pop up) سامنے آ جانے والے اشتہارات کا سامنا کرنا پڑتا ہے۔
اس سافٹ ویئر سے آپ کی ذاتی معلومات چُرا کر ویب پر پہنچائی جاتی ہیں اور ہیکرز کو ذاتی کمپیوٹرز تک رسائی ہو جاتی ہے۔
اگر کوئی سپائی سافٹ ویئر سے بچنا چاہے تو وہ سپائی بوٹ جیسے سافٹ ویئر ڈاؤن لوڈ کر کے محفوظ رہ سکتا ہے۔
(Courtesy BBC)

جی میل اور گوگل ٹاک کا بیاٗہ!!!۔

2006-02-11T14:48:00.000-08:00

لو جی گوگل نے جی میل اور گوگل ٹاک کا میل کروا دیا ہے اب آپ جی میل میں لاگ ان ہو کر گوگل ٹاک بھی استعمال کر سکتے ہیں۔۔۔۔۔آپ کی رائے اس کے بارے میں؟؟؟؟

مائیکروسافٹ آفس 2003 ( اردو ) ( چند مناظر ) ۔

2006-01-16T19:12:00.000-08:00

ایڈیٹر کی نظر میں:

مصنف:محمد شمیل قریشی

مائیکروسافٹ نے اپنے کامیاب آفس 2003 کی استعمال کنندہ زبان میں اردو کو شامل کر دیا ہے ۔ اگر آپ کے پاس مائکروسافٹ آفس 2003 ہے تو اس کے انگریزی استعمال کنندہ زبان کو با آسانی اردو میں تبدیل کیا جا سکتا ہے ۔ اس عمل کو سر انجام دینے کے لیے اس ربط کو چھویں ۔ اس ربط میں دی گی ہدایات پر عمل کریں ۔

مائیکروسافٹ آفس 2003 اردو کے ترجمہ شدہ ارکان ۔
فی‌الحال آفس کے جن ارکان کی استعمال کنندہ زبان اردو میں ترجمہ کی گئی ہے ، وہ در جزیل ہیں ۔
Microsoft Office PowerPoint 2003
Microsoft Office Outlook 2003
Microsoft Office Word 2003
Microsoft Office Excel 2003

مائیکروسافٹ آفس 2003 اردو کے چند مناظر ۔
نیچے تصویر میں آفس کا خود کار " املا اور گرائمر " کی تصحیح کا نظام اشارہ کر رہا ہے کہ ایک لفظ " جن " دو دفعہ آ گیا ہے ۔

نیچے تصویر میں آفس کا خود کار " املا اور گرائمر " کی تصحیح کا نظام املا کی ایک غلطی کی طرف اشارہ کر رہا ہے ۔ کیونکہ لفظ انگریزی کے ہجے غلط ہیں ۔

نیچے تصویر میں آفس کا خود کار " املا اور گرائمر " کی تصحیح کا نظام غلط الفاظ کے نیچے خط کھینچ رہا ہے ۔

آفس کے Edit مینو کا در جزیل ترجمہ کیا گیا ہے ۔

آفس کے File مینو کا در جزیل ترجمہ کیا گیا ہے ۔

آفس کے Viewمینو کا در جزیل ترجمہ کیا گیا ہے ۔

آفس کے Insertمینو کا در جزیل ترجمہ کیا گیا ہے ۔

آفس کے Formatمینو کا در جزیل ترجمہ کیا گیا ہے ۔

آفس کے Toolمینو کا در جزیل ترجمہ کیا گیا ہے ۔

آفس کے Helpمینو کا در جزیل ترجمہ کیا گیا ہے ۔

آفس کے Preference مینو سب مینو کے در جزیل تراجم کیے گیے ہیں۔

مشتری ہوشیار باش

2006-01-07T09:44:00.000-08:00

آئی ٹی ماہرین کی کمی کا خدشہ
بحوالہ۔بی بی سی اردو
پاکستان میں انفارمیشن ٹیکنالوجی کی صنعت تین سال کے مندی کی صورت حال سے باہر آگئی ہے اور اس میں تیزی سے ترقی ہورہی ہے لیکن صنعت کاروں کو خدشہ ہے کہ اگلے سال سے اس صنعت کو آئی ٹی ماہرین اور ہنرمندوں کی کمی کا سامنا ہوگا۔
لاہورمیں ایک نجی سافٹ ویئر بنانے والی پاکستانی کمپنی نیٹسول کے بانی اور چیف ایگزیکٹو سلیم غوری نے جمعہ کو ایک پریس کانفرنس سے خطاب کرتے ہوئے کہا کہ گیارہ ستمبر سنہ دو ہزار ایک کے حملوں کے بعد پاکستان میں انفارمیشن ٹیکنالوجی شدید مندی کا شکار ہوگئی تھی اور اسے یورپ اور امریکہ سے بزنس ملنا بند ہوگیا تھا۔
سلیم غوری کا کہنا تھا کہ آئی ٹی کی مندی کو دیکھتے ہوئے نوجوان آئی ٹی کی تعلیم سے پیچھے ہٹ گئے ہیں اور آئی ٹی گریجویٹس کی تعداد میں کمی آئی ہے۔ ان کا کہنا تھا کہ یہی صورتحال رہی تو سنہ دو ہزار سات اور دو ہزار آٹھ میں صنعت کو ہنر مندوں کی کمی کا سامنا ہوگا اور اس کی ترقی کی رفتار ٹوٹ جائے گی۔
سلیم غوری نے کہا کہ گیارہ ستمبر کے بعد دو سے تین سال تک اس واقعہ کا منفی اثر رہا اور یورپ اور امریکہ کے لوگ پاکستان سے خوف زدہ تھے تاہم انہوں نے کہا کہ آہستہ آہستہ حالات بہتر ہونا شروع ہوئے اور سنہ دوہزار چار میں پاکستانی کمپنیوں کو بیرون ملکوں سے چھوٹے چھوٹے کاروبار ملنا شروع ہوگئے۔
سافٹ ویئر کمپنی کے چیف ایگزیکٹو نے کہا کہ گزشتہ ڈیڑھ برس سے پاکستان کی آئی ٹی صنعت اور دنیا کی آئی ٹی صنعت کے کاروبار میں تیزی آئی ہے اور اس عرصے میں پاکستان کو جو بزنس ملا ہے وہ پہلے کبھی نہیں ملا۔ انہوں نے کہا کہ ہر صنعت کو اپنے کو کھڑا کرنے میں کچھ وقت لگتا ہے اور پاکستان کی آئی ٹی صنعت اب مستحکم ہوگئی ہے۔ ان کاکہنا تھا کہ اب امریکہ سے اس شعبے میں تجربہ کار لوگ آکر پاکستان میں کام شروع کررہے ہیں جبکہ پہلے ناتجربہ کار لوگ یہ کام کررہے تھے۔ انہوں نے کہا کہ جو نیا کاروبار باہر سے پاکستانی کمپنیوں کو مل رہا ہے اس میں کال سینٹرز اور کریٹکل سافٹ ویئر پراجیکٹس شامل ہیں جو پہلے پاکستان کی کمپنیوں کو نہیں ملا کرتے تھے۔
سلیم غوری کا کہنا تھا کہ پہلے پاکستانی کمپنیوں کو بڑے منصوبے نہیں ملتے تھے لیکن اب ملنے لگے ہیں۔ اس موقع پر موجود جرمن ماہر یوجین بیکٹ نے بھی کہا کہ پاکستان آئی ٹی صنعت کا اگلا مرکز ہے اور اس میں آگے بڑھنے کے زبردست مواقع موجود ہیں۔ ان کا کہنا تھا کہ ان کی کمپنی اس سال سے آئی ٹی کے شعبہ میں تعلیم اور تربیت کے منصوبے شروع کررہی ہے۔ ان کا کہناتھا کہ بھارت نے انیس سو پچاس میں پہلا آئی ٹی انسٹی ٹیوٹ قائم کرلیا تھا جو عالمی معیار کا تھا اور انیس سو ستر تک وہاں ایسے چھ ادارے موجود تھے جن سے فارغ ہونے والے گریجویٹس امریکہ گئے اور انیس سو کی دہائی میں وہ وہاں پر فیصلہ ساز عہدوں پر پہنچ گئے اور انہوں نے بھارتی کمپنیوں کو فروغ دینا شروع کیا۔ انہوں نے کہا کہ بھارت کے مقابلہ میں پاکستان بیس سال بعد انیس سو ستر کے اواخر میں آئی ٹی کی تعلیم کی طرف آیا اور یہاں پہلا ادارہ قائم کیاگیا۔ انہوں نے کہا کہ پاکستانی کمپنیاں بھارت سے موازنہ کے بجائے معیار پر توجہ دے کر اپنی جگہ بنارہی ہیں اور زیادہ معاوضہ پر کام کررہی ہیں۔
نیٹسول ٹیک نے اپنی دس سالہ تقریبات منعقد کیں۔ پاکستان کی یہ واحد کمپنی ہے جس کانیویارک کی سٹاک ایکسچینج نیسدیک میں اندراج ہے اور تیس لاکھ سرمائے سے شروع ہونے والی اس کمپنی کا لاہور میں اپنا آئی ٹی پارک بھی ہے۔

Meebo

2005-12-16T11:17:00.000-08:00

meebo میبو ایک بہترین All in One میسنجر کلاینٹ ہے ، یہ ICQ, Yahoo,MSN اور AIM کو سپورٹ کرتا ہے، انٹیرنیٹ ایکسپلوریر اور فائیر فاکس دونوں پر کارآمد یہ سافٹویر ابھی Alpha Stage میں ہے اور جلد بیٹا ٹیسٹنگ کے لیے ریلیز کر دیا جائیگا ، اس سوفٹویر کے متعلق مزید معلومات اس فارم سے مل سکتی ہیں ۔

مزید کہتا چلو کہ ہوسکتا ہے یہ نوا IM ,انٹیرنیٹ پروکسیز کنکشنز میں کوئی نوی مثال رقم کر دیوے ؛)

Yahoo! Wideget Engine 3.0

2005-12-14T20:03:00.000-08:00

اسلام و علیکم

اپنی پہلی ٹیکنالوجی تحریر کے ساتھ میں ریحان مرزا حاضر خدمت ہوں

کمپیوٹرز ورلڈ میں مختلف قسم کے سوفٹویرز ہوتے ہیں جن میں سے دو واضح ہیں ایک کو ہم ShareWare کہتے ہیں اور ایک کو FreeWare ، مختصراّ بیاں کروں تو شیر ویر کو استعمال کرنے کے لیے License کی ضرورت ہوتی ہے جبکہ فری ویر مفت ہوتے ہیں ۔۔۔ شیر ویر کی ایک واضح مثال ہمارا Operating System ہے جو کہ ہے تو شیر ویر پر چوری کا ۔۔ مفت ویر کی ایک مثال تو یاہو میسنجر یا ایم ایس این میسنجر ہیں اور ایک مثال کا زکر میں کرنے جا رہا ہوں ۔۔ اور آج کی میری پہلے پوسٹ بھی ایک کمال کے فری ویر کے متعلق ہے

3.0 YAHOO WIDGET ENGINE

اس کمال کے فری ویر بنانے والوں کا کہنا ہے "ان خوبصورت اور مزیدار وایڈگڈز کے ساتھ اپنے ونڈو ڈیسکٹاپ کو ایک نئی زندگی دیں" مزید انفارمیشن مواد انگریزی میں یہاں پڑہیں

اس فری ویر کو میں پرسنلی استعمال کر چکا ہو اور میرے وایڈگیڈ ڈیسکٹاپ کی ایک جھلک نیچے موجود ہے

اس فری ویر کو اپنے کمپیوٹر میں چلانے کے لیے آپکے کمپیوٹر اور آپکو چار چیزوں کی ضرورت ہوگی

- ونڈوز ایکس پی یا ونڈوز ٢٠٠٠ سروس پیک ٢ یا ٣ والی
- انٹرینیٹ کے ساتھ جڑا کوئی بھی کنیکشن جیسے براڈبینڈ یا ڈائیل اپ
- ٥١٢ میگا بایٹ ریم پرسنلی ریکومنڈ کی جاتی ہے پر گھبرائیے نہیں ١٢٨ سے بھی کام چل جائیگا

اس سوفٹویر کے بارے میں مزید بتاتا چلو کے مختلف قسم کے سوفٹویر جیسے ایک جسکا زکر اپنی تحریر میں کیا ہے مزے دار ہونے کے ساتھ ساتھ علم و نالج میں اچھے اضافہ کا باعث بنتے ہیں سو ایسے فری ویرز کو ضرور استعمال کرنا چاہیے اور گر پسند نا آیا تو UnInstall کر دینا چاہیے

آپکے کمنٹس کا انتظار رہے گا جن کی بدولت میں جلد ایک اور تحریر کے ساتھ حاضر ہونگا تب تک کے لیے اردو ٹیکنالوجی اخبار کی طرف سے اللہ حافظ

بھارت میں سی ڈی ایم اے موبائل فون

2005-12-10T23:56:00.000-08:00

بھارت میں جی ایس ایم ٹیکنالوجی کے ساتھ سی ڈی ایم اے موبائل فون بھی بہت مقبولیت حاصل کر رہے ہیں اور ہر ماہ لاکھوں لوگ سی ڈی ایم اے موبائل فون کمپنیوں کے صارف بن رہے ہیں۔بھارت کے ٹیلی کام حکام کی جانب سے جاری کردہ اعدادوشمار کے مطابق صرف نومبر 2005میں بھارت میں گیارہ لاکھ اسّی ہزار سی ڈی ایم اے صارفین کا اضافہ ہوا۔بھارت میں اس وقت کل موبائل فون صارفین کی تعداد سات کروڑ بیس لاکھ ہے جس میں سے اکثریت جی ایس ایم موبائل فون صارفین کی ہے۔ نومبر میں سی ڈی ایم موبائل فون خریداروں کی تعداد بھارت کی ٹیلی کام تاریخ میں سب سے زیادہ رہی ۔

بشکریہ روزنامہ جنگ

جی میل میں ایٹم ریڈر

2005-12-09T14:56:00.000-08:00

گوگل نے جی میل میں ایک نئی سہولت کا اضافی کیا ہے۔۔۔۔ فیڈریڈر کا جسے اس نے ویب کلیپس کا نام دیا ہے۔۔۔۔۔اس میں آپ اپنی مرضی کا فیڈ ڈال کر میل کے ساتھ ساتھ پسند کے بلاگ یا تازہ خبروں سے آگاہ رہ سکتے ہیں۔۔۔۔۔

Free Download Manager

2005-12-08T23:44:00.000-08:00

Free Download Manager ایک بہترین ڈاؤن لوڈ مینیجر ہے ۔ اس کی کئی خصوصیات FlashGet سے ملتی جلتی ہیں مگر اس کے فیچرز اس سے زیادہ ہیں ۔ ان میں سے ایک یہ ہے کہ آپ کسی بھی ویب سائٹ کو ڈاؤن لوڈ کر سکتے ہیں ۔ جی ہاں ۔ مثلاً اگر کسی صفحے پر بہت سارے روابط موجود ہیں تو آپ ان روابط پر دیے گئے صفحات کو یک لخت حاصل کر سکتے ہیں ۔ پوری پوری ویب سائٹ کو اس کے اپنے ڈائریکٹری سٹرکچر میں حاصل کرنا کوئی مشکل کام نہیں ہے ۔ڈاؤن لوڈ کیجیے

بھارت کا S-DMB

2005-12-05T06:50:00.000-08:00

(روزنامہ جنگ) بھارتی حکومت نے نئے ملٹی میڈیا موبائل سیٹیلائٹ سسٹم ان سیٹ4-E کے چھوڑے جانے کی منظوری دیدی ہے جس پر 269 کروڑ روپے لاگت آئے گی اور جو ملک میں نشریات کو بہتر بنانے کے لیے 3-G موبائل فون ٹیکنالوجی کی مدد کرے گی ۔ بھارتی ٹی وی کے مطابق وزیر اطلاعات و نشریات پریارنجن داس منشی نے بتایا کہ مرکزی کابینہ نے اس کی منظوری دیدی ہے۔ نیا نظام سیٹلائٹ ڈیجیٹل ملٹی میڈیا براڈ کاسٹنگ (S-DMB) بذریعہ موبائل فون اور گاڑیوں میں موبائل ویڈیو آڈیو ریسیور کو نشریات کی سہولت فراہم کرے گا ۔پاکستان کہاں ہے ؟

بلاگر کی ایک اور سہولت۔۔۔

2005-11-05T00:48:00.000-08:00

جی جناب۔۔۔ اب آپ مزید اختیارات کے مالک بن گئے ہیں۔۔۔ بلاگر ڈاٹ کوم نے اپنے استعمال کندہ کو کل مزید اختیار دیا ہے کہ اب کوئی بھی تبصرہ بلاگ پر آنے سے قبل بلاگ کے مالک کی منظوری کا منتظر ہو گا اب یہ آپ پر ہے کہ آپ اس تبصرہ کو اجازت دیں یا انکاری ہو ۔۔۔ اب ایک صورت یہ نکل سکتی ہے کہ آپ "حفاظتی تصویر" کے بجائے اس سہولت کو استعمال کر لیں ۔۔۔۔ اس سلسلے میں مزید یہاں دیکھے۔۔۔۔ کیسی خبر ہے؟؟؟؟

واپس ربط

2005-10-23T00:25:00.000-07:00

آپ نے ٹریک بیک کا نام کا سنا ہو گا۔۔۔۔یعنی آپ کی تحریرسے کتنی تحریریں منسلک ہیں۔۔۔۔ یہ اب بلاگر نے بھی اس کا آّغاز کر دیا ہے،اکتوبر کے پہلے عشرے میں بلاگر نے یہ سسٹم بیک لینک کے نام سے شروع کیا ہے۔۔ یہ درحقیقت ٹریک بیک سے مختلف ہے۔ کیونکہ اس سے وہ ہی تحریریں منسلک ہو گی جو گوگل یا بلاگ سرچ کے سرچ فہرست میں شامل ہو۔۔۔جب تک وہ شامل نہ ہو گی آپ کی تحریر سے منسلک نہ ہو سکی گی۔اس کی ایک مثال یہ ہے۔۔۔اس سے فائدہ اٹھانے کے لئے طریقہ کار یہاں درج ہے، مگر اگر آپ نے اپنے بلاگ کا ٹیمپلٹ خود بنایا ہے یا بلاگر کے دیئے گئے ٹیملیٹ میں تبدیلی کی ہے تو ممکن ہے کہ آپ کو اس کی خودکار تنصیب میں ناکامی ہو اس صورت میں اس طریقہ کار پر عمل کرے۔۔۔۔۔ مجھے یہاں دیئے کئے کوڈ کے دوسے حصہ کی یہ لائین اچھی نہیں لگتی۔

کیونکہ یہ انگریزی زبان کے اسٹمپ (BlogThis!,) کے وجود کا سبب بنتی ہے جبکہ میرا بلاگ اردو میں ہے لہذا اگر آپ کے ساتھ بھی یہ معاملہ ہے تو اسے کوڈ میں کو اس سے بدل دیں

اپنی پسند کی تحریر

ان سب کے باوجود میں کہوں گا کہ آپ بلاگر کے دیئے گئے کوڈ کے بجائے یہ ہیک استعمال کرے ذیادہ اچھا ہے۔۔۔۔اس کہ علاوہ ایک نظر یہاں بھی ڈال لے۔۔۔
کیسی لگی یہ بات ؟؟؟؟؟؟؟؟؟

یاھو - مائیکروسافٹ آئی ایم۔۔

2005-10-12T13:33:00.000-07:00

یاھو! اور مائیکروسافٹ جلد ہی اپنے صارفین کو اپنے instant-messaging کے ذریعہ آپس میں تحریری رابطہ کی سہولت دینے کا آغاز کرنے والے ہیں وائس چیٹ کی نہیں یعنی ایم ایس این اور یاھو! کے صارفین آپس میں۔۔۔ پاکستان میں (میرے خیال میں) ان دونوں IM صارفین کی تعداد ذیادہ ہے اے او ایل کے مقابلے میں۔۔۔۔ مگر امریکہ میں ان تین کمپنیوں میں اے او ایل پہلے نمبر پر ،ایم ایس این دوسرے نمبر پر اور یاھو کی پوزیشن تیسری ہے،اگست میں گوگل بھی اس شعبہ میں گوگل ٹاک کی شکل میں آ چکا ہے۔۔ اس بناء پر وہاں کے ماہرین کا خیال ہے اس اقدام کا مقصد اے او ایل کی IM کی فیلڈ میں حکمرانی خطرے میں پڑ جائے گی۔۔۔

ذریعہ= یاھو نیوز

زلزلہ زدگان کی امداد کیجيئے

2005-10-11T02:07:00.000-07:00

پاکستان کو آپ کی ضرورت ہے۔۔۔
Pakistan needs you!
donate for the earthquake victims

This is the time to help your fellow pakistani'sفیصل ایدھی: 0300-8263319, 115

کراچی: 021-2421920, 2201261

اسلام آباد: 051-2827844

لاہور: 042-5414211, 7841901, 7980339, 7847050, 7848408, 7847060

ملتان: 061-4583906

پشاور: 091-2214575

کوئٹہ: 081-2830832, 2830861

Please donate, and work with the people who are volunteering for collecting aids.

گوگل ریڈر

2005-10-08T14:19:00.000-07:00

گوگل کی ایک اور سروس گوگل ریڈر ۔۔۔۔۔ یہ ایک آرایس ایس فیڈ کو پڑھنے کی ویب بیس سروس ہے۔۔۔ اس کو استعمال کرنے کے لئے آپ کو جی میل کا اکاؤنٹ درکار ہے۔۔بس۔مزید معلومات کے لئے یہاں

کینن سمائل شاٹ کیمرہ۔ اب مسکراؤ ہر دم۔

2005-10-07T00:49:00.000-07:00

کینن دنیا میں کیمرہ بنانے والی بہترین کمپنیز میں دوسرے نمبر پر آتا ہے۔ (پہلے نمبر پر نِکَون ہے)۔ کیا آپ نے کبھی سوچا ہے کہ ان کی لیبارٹریوں میں کیا ہوتا ہے؟ کیا وہ مزید میگا پکسلزمزید چھوٹے کیمروں میں سمانے کے تجربے کر رہے ہیں یا ایک دوسرے کے پریشان حال چہروں کی تصاویر بناتے رہتے ہیں؟ لیکن حقیقت اس سے مختلف ہے۔ وہ ان دونوں میں سے کوئی کام نہیں کر رہے۔ بلکہ ان کی کوشش ہے کہ جب کسی کی تصویر کھینچی جائے تو اس کے چہرے پر مسکراہٹ پائی جائے۔ اس طرح تو مستقبل کی نسلیں ہماری تمام تصویروں کو مہمل مسکراہٹ والا سمجھیں گی۔ لیکن ایسا ہو چکا ہے۔ کینن نے سمائل شاٹ نامی کیمرہ متعارف کرایا ہےجو کہ صرف تب ہی تصویر کھینچے گا جب ہمارے منہ پر مسکراہٹ ہوگی۔ ان کی کوشش تو یہ بھی ہے کہ مسکراہٹ بنانے کی ذمہ داری بھی کیمرے کو ہی سونپ دی جائے۔ اس مقصد کے لیئے ابھی تجربات کیئے جا رہے ہیں۔ چہرے کے خدوخال ،فیچرز، کو سمجھنے والے کئی پروگرام پولیس اور ایف بی آئی کے ذیر استعمال ہیں۔ کینن اسی ٹیکنالوجی کو اپنے کیمرے میں استعمال کرنے کی کوشش میں ہے۔
حیران کن بات یہ ہے کہ یہ کیمرے کینیڈا میں ریلیز نہیں کيئے گئے۔ شائد وہاں کی سردی کی وجہ سے ادھر کے لوگوں کے ویسے ہی دانت نکلے رہتے ہوں گے۔
کینن کے ایک پرستار کا کہنا تھا کہ گروپ تصویروں میں تو کیمرہ تھک جائے گا۔۔۔
جبکہ ایک جرنلسٹ کا خیال تھا کہ یہ کیمرہ ان کے لیے نہیں ہے کیونکہ وہ تو افریکہ کے بچوں کہ چہروں پر تکلیف دکھا کر ہی اپنا پیٹ پالتے ہیں۔
عام استعمال کنندگان نے اسکو پسند کیا جبکہ بیشتر اسکو مزاق سمجھتے رہے۔

موزلا کی سائٹ ھیک۔

2005-10-04T15:50:00.000-07:00

فائر فاکس پھیلاؤ۔۔ یہ نعرہ موزلا کی پہچان بن چکا ہے۔ لیکن ان کی ویب سائٹ دوسری مرتبہ ہیک ہو چکی ہے۔۔ذریعہ : ایمیل میسیج موزلا کی جانب سے۔

ڈاؤن فور۔۔۔۔

2005-10-03T13:34:00.000-07:00

آج دفتر سے اپنے بلاگ پر پوسٹ کرنے لگا تو بلاگر ڈاٹ کوم والے اس پیج پر لے گئے۔۔۔۔۔۔۔دو تین دفعہ کوشش کی۔۔۔ہر بار وہ ہی پیج آیا۔۔۔قریب بارہ یا سوا بارہ کا وقت تھا۔۔۔۔

300MB Web Space

2005-10-03T01:57:00.000-07:00

کیا آپ ویب پر اپنی فائلیں محفوظ کرنے کے لیے کسی اچھے اور پائیدار ہوسٹ کی تلاش میں ہیں؟ اگر ایسا ہے تو یہاں آئیے ۔ اوپیرا نے 300MB کی ویب سپیس فراہم کی ہے ۔ Opera Community پر اکاؤنٹ بنائیے اور 300MB Web Space حاصل کیجیے ۔ اس کے ساتھ ساتھ کی سہولت بھی حاصل کیجیے ۔

ڈوئَل کور پروسیسر ( Dual Core Processor )

2005-10-01T10:16:00.000-07:00

ایڈیٹر کی نظر میں:

مصنف: محمد شمیل قریشی

کون کمپیوٹر استعمال کنندہ یہ نہیں جانتا کہ پروسیسر کسی بھی کمپیوٹر کے لیے قلب کی سی اہمیت رکھتا ہے ۔ پروسیسر کی اس قدر اہمیت کا اندازہ اس بات سے لگایا جا سکتا ہے کہ ایک کمپیوٹر کتنے ہی بڑے بڑے پرزوں کی شکل میں کیوں نہ ہو ۔ اس کو صرف اس میں موجود ایک چھوٹے سے پروسیسر ہی کے نام سے پکارا جاتا ہے ۔ جیسے ، پینٹیم ٹو ، پینٹیم تھری یا پھر پینٹیم فور اور سیلیرون کمپیوٹر۔ ہم ان الفاظ کا استعمال میز پے سمانے والے ( ڈیسک ٹاپ ) گود میں سمانے والے ( لیپ ٹاپ ) اور ہتھیلی پہ سمانے والے ( پام پی سی ) غرض تمام اقسام کے کمپیوٹرز کے لیے بکثرت کرتے ہیں ۔
ویسے تو پروسیسر کی تاریخ کافی پرانی ہے ۔ لیکن ایک کمپیوٹر پر ایک سے زیادہ پروسیسرز کے استعمال کو چند سال ہی ہوۓ ہیں ۔ سچ کہا جاۓ تو ڈوئَل کور پروسیسر کی ایجاد اور ترقی کا سہرا کسی طور بھی اِنٹیل اور اے ایم ڈی کے سر نہیں جاتا ۔پچھلی صدی کے اختتام پر ، ایک سے زیادہ پروسیسرز سے نصب شدہ انتہائی طاقتور سرورز بنانے والے تجارتی ادارے ( ایچ پی ) اور ( آئی بی ایم ) پہلے ہی دو پروسیسرز ایک ہی جسم میں رکھنے والے ڈوئَل کور پروسیسرز بنا چکے ہیں ۔ جیسے dual-core HP PA8800 اور IBM Power4 processors جو IBM eServer pSeries 690 اور HP 9000 کے سرورز کامیابی سے استعمال ہو رہے ہیں ۔
لیکن ہم ان مصنوعات کو بڑی تعداد میں تیار کی جانے والی مصنوعات نہیں کہیں گے ۔کیونکہ یہ دو تجارتی ادارے دنیا میں پروسیسرز کی کھپت کا صرف دس فیصد حصہ ہی پورا کرتے ہیں ۔ اس کی سب سے بڑی وجہ ان پروسیسرز کا بہت مہنگا ہونا ہے ۔

اِنٹیل کا گزشتہ HT کے عمل ( پروسیسینگ ) کا مجاز ( انےبلڈ ) پروسیسر ۔

اِنٹیل کمپنی نے میز پر سمانے والے ( ڈیسک ٹاپ ) کمپیوٹر کے لیے HT OR Hyper threading کے عمل ( پروسیسینگ ) کا مجاز پہلا پروسیسر 2002ء کی خزاں میں پیش کیا ۔ جو طبعی ( فیزیکل ) طور پر تو ایک ہی پروسیسر تھا لیکن منطقی ( لوجیکل ) طور پر وہ دو پروسیسروں کی طرح کام کرتا تھا ۔یعنی آپریٹینگ سسٹم اور پروگرامز اس کی موجودگی میں اس طرح سے عمل کرتے تھے جیسے وہ دو پروسیسرز پر مشتمل کمپیوٹر میں کام کر رہے ہوں ۔ اور اس طرح احکامات کے دو دھارے بیک وقت دو منطقی ( لوجیکل ) پروسیسرز سے گزرتے تھے ۔ یہ خصوصیت صرف ایک پروگرام کے عمل ( پرفارمینس ) کو ہی تیز کرتی تھی ۔ اور ساتھ ہی دوسرا منطقی ( لوجیکل ) پروسیسر استعمال کنندہ کے ظاہری کاموں کے علاوہ آپریٹینگ سسٹم کے پس پردہ کاموں کو سنبھالتا تھا ۔ اس سے مجموعی طور پر کمپیوٹر کا عمل ( پرفارمینس ) ایک حد تک بڑھ گیا ۔ اور پروسیسر کےصد فیصد کام کا بار اٹھانے پر پورے کے پورے کمپیوٹر کے منجمد ہو جانے کے نظارے کم ہی دیکھنے کو ملے ۔
نیچے کی تصویر میں Device Manager دو پروسیسرز دکھا رہا ہے ۔ دراصل یہ دو منطقی ( لوجیکل ) پروسیسرز ہیں ۔

ڈوئَل کور پروسیسر۔

ڈوئَل کور پروسیسر دراصل ایک ہی جسم میں دو مرکزی عمل کار کرے ( کورز ) رکھنے والا پروسیسر ہے ۔ آسان الفاظ میں یوں سمجھ لیجیے کہ ایک جیسی ماہیت رکھنے والے دو مرکزی عمل کار ( پروسیسر) کو اگر جسامت میں چھوٹا کر دیا جاۓ اور ایک دوسرے کے ساتھ چسپاں کر دیا جاۓ تو وہ ایک ڈوئَل کور پروسیسر بن جاۓ گا ۔ ایسا سوچنا تو بظاہر آسان محسوس ہوتا ہے لیکن ایسا حقیقت میں کرنا جوۓ شیر لانے کے برابر ہے ۔ یہی وجہ ہے کہ مرکزی عمل کار ( پروسیسر) ساز ادارے اس منصوبے کو عملی جامہ پہنانے کے لیے خطیر رقم خرچ کر چکے ہیں ۔

اِنٹیل کا اولین ڈوئَل کور پروسیسر۔

اِنٹیل نے اس نسل کا اولین مرکزی عمل کار ( پروسیسر) اپریل 2005 ء کو پیش کیا ۔ لیکن اس قسم کے پروسیسر کو کمپیوٹر میں نصب کرنے کے لیے آپ کو ایک نئی مدر بورڈ درکار ہوگی اور ساتھ ہی ایک نئی بائیوس اپڈیٹ کی بھی ضرورت ہوگی ۔ اِنٹیل کمپنی نے اپنے پروسیسرز کو نام دینے کی حکمت عملی بدل دی ہے ۔ یعنی ڈوئَل کور پروسیسر کو ( ڈیول کور ) پینٹیم فور کی بجاۓ صرف پینٹیم ( ڈی ) اور پینٹیم ( ایکسٹریم ایڈیشن ) کے نام دیے گئے ہیں ۔ اس قسم کے پروسیسرز کے لیے نمبر 8 سے شروع ہونے والے عددی نام رکھے گۓ ہیں ۔
اِنٹیل نے ان پروسیسرز کو مدر بورڈ کے ساتھ جوڑنے والے خانے ( ساکٹ ) LGA 775 میں تھوڑی بہت ترامیم بھی کیں ہیں ۔ اندرونی طور پر دو پریسکورٹ طرز کے پروسیسرز کو ایک دوسرے کے ساتھ جوڑا گیا ہے ۔ اور ہر کرہ 1 ایم بی کیشے رکھتا ہے ۔ یعنی مجموعی طور پر ایک پروسیسر 2 ایم بی کیشیے پر مشتمل ہے ۔ڈوئَل کور پروسیسر کے دونوں کرے ایک دوسرے سے ایک خاص بس انٹرفیز کے زریعے بات چیت کرتے ہیں ۔ اس کا مطلب یہ ہوا کہ یہ دونوں کرے ایک دوسرے کی کیشے کو استعمال میں بھی لا سکتے ہیں ۔ ڈوئَل کور پروسیسر کے دونوں کرے مکمل طور پر انفرادی عمل کرسکتے ہیں ۔ آپریٹینگ سسٹم ان دونوں کے درمیان ربط دہی کا کام سرانجام دیتا ہے ۔ اِنٹیل کے یہ پروسیسرز 64 بٹ پروسیسنگ کی وسعت ( ایکسٹینشن ) رکھتے ہیں جس کو اِنٹیل نے EM64T کا نام دیا ہے ۔ یعنی اس کو 64 اور 32 بٹ دونوں طرح کی طرز تعمیر رکھنے والے کمپیوٹر اور آپریٹینگ سسٹم چلا پائینگے ۔

ڈوئَل کور پروسیسر کو فراہم کردہ ایس۔ایم۔پی ( سمیٹریک ملٹی پروسیسنگ ) متوازن کثیر عملی نظام ۔

( ایس ایم پی ) کا نظام ایک سے زیادہ پروسیسر رکھنے والے کمپیوٹر سسٹم بنانے میں مددگار ہے ۔ اس نظام میں پروسیسر ایک دوسرے کے ساتھ مربوت رہتے ہیں اور ایک دوسرے کے ساتھ معلومات کا تبادلہ بھی کرتے ہیں ۔ پروسیسرز آپس میں ایسی نظام کے تحت ایک دوسرے کے ساتھ کام کا بار تقسیم کرتے ہیں ۔ اس سلسلے یں مدر بوڑڈ کا چیپ سیٹ اور آپریٹنگ سسٹم ان پروسیسروں کی معاونت کرتے ہیں ۔
آپریٹنگ سسٹم دونوں پروسیسرز کے ساتھ ایک جیسا سلوک کرتا ہے اور دونوں کو ضرورت پڑنے پر کام سونپتا ہے ۔ ( اے ۔ایم۔ ڈی ) اور ( اِنٹیل ) دونوں اداروں کے ڈوئَل کور پروسیسر ( ایس ایم پی ) کے نظام کے مجاز ہیں ( اندرونی طور پر ) ۔ ( ایس ایم پی ) کے نظام کی سب سے بڑی بندش ( لیمیٹیشن ) یہ ہے کہ اس نظام کو اپنا کام خیروخوبی سے سرانجام دینے کے لیے سافٹ ویر اور آپریٹنگ سسٹم دونوں کی ہر لحظہ معاونت درکار ہے ۔ بہت سے آپریٹنگ سسٹم جیسے ونڈوز ( ایکس پی ہوم ایڈیشن ) ، ( ایس ایم پی ) کے نظام کے استعمال سے عاری ہیں ۔ یعنی اس قسم کا آپریٹنگ سسٹم ، ڈوئَل کور پروسیسر کے ایک کرے کو ہی کام میں لاۓ گا ۔ دوسرا کرہ بےروزگار رہے گا ۔ اس کے علاوہ آج کل کے جدید ایپلیکیشنز یک ڈوری ( سنگل تھریڈیڈ ) ہیں یعنی یہ ایپلیکیشنز احقامات ( انسٹرکشنز ) کی ایک ہی ڈور ( تھریڈ ) کی شکل میں پروسیسر سے گزرتی ہیں ۔ اس کا مطلب یہ ہوا کہ ایسے ایپلیکیشنز بھی ڈوئَل کور پروسیسر کے صرف ایک قلب یا کرے سے گزریں گی ۔
اس میں کوئی شک نہیں کہ دو ڈوری ( ٹو تھریڈیڈ ) ایپلیکیشنز موجود ہیں یعنی ایسی ایپلیکیشنز جو احقامات ( انسٹرکشنز ) کی شکل میں بیک وقت دو ڈوریاں ( تھریڈز ) بناتے ہوۓ پروسیسر سے گزرتی ہیں ، لیکن ان دو ڈوری ( ٹو تھریڈیڈ ) ایپلیکیشنز کی تعداد آج کل کی سوفٹ ویر صنعت میں آٹے میں نمک کے برابر ہے ۔ اس لیے ڈوئَل کور پروسیسر فی الحال اپنے سوفیصد نتائج نہیں دکھاۓ گا ۔
( سمیٹریک ملٹی پروسیسنگ ) متوازن کثیر عملی نظام اب تک اِنٹیل ، اے ایم ڈی اور چند دوسرے اداروں کے سرورز میں ہی موجود تھا ۔ لیکن اب ڈوئَل کور پروسیسرکی آمد سے یہ نظام میز پے سمانے والے ( ڈیسک ٹاپ ) کمپیوٹر کی زینت بھی بن گیا ہے ۔

اِنٹیل کے ڈوئَل کور پروسیسر کے نمونے ( ماڈلز ) ۔

1 ۔ پینٹیم ( ڈی ) پروسیسر ( نمونہ / ماڈل نمبر 820 ) ۔

ڈوئَل کور پروسیسر کا یہ سادہ نمونہ ہے ۔ اس پروسیسر کے ہر کرے کی رفتار 2.8 GHz اور اس کے FSB کی رفتار 800 ہے ۔ یہ پروسیسرز 64 بٹ پروسیسینگ کی وسعت ( ایکسٹینشن ) EM64T رکھتا ہے ۔ یعنی اس کو 64 اور 32 بٹ دونوں طرح کی طرز تعمیررکھنے والے کمپیوٹر اور آپریٹینگ سسٹم چلا پائینگے ۔ ہر کرہ 1 ایم بی کیشے رکھتا ہے ۔ یعنی مجموعی طور پر یہ پروسیسر 2 ایم بی کیشیے پر مشتمل ہے ۔ یہ پروسیسر HT OR Hyper threading کے عمل ( پروسیسینگ ) کا مجاز نہیں ہے ۔

2 ۔ پینٹیم ( ڈی ) پروسیسر ( نمونہ / ماڈل نمبر 830 ) ۔

ڈوئَل کور پروسیسر کا یہ سادہ نمونہ ہے ۔ اس پروسیسر کے ہر کرے کی رفتار 3.0 GHz اور اس کے FSB کی رفتار 800 ہے ۔ یہ پروسیسرز 64 بٹ پروسیسینگ کی وسعت ( ایکسٹینشن ) EM64T رکھتا ہے ۔ یعنی اس کو 64 اور 32 بٹ دونوں طرح کی طرز تعمیررکھنے والے کمپیوٹر اور آپریٹینگ سسٹم چلا پائینگے ۔ ہر کرہ 1 ایم بی کیشے رکھتا ہے ۔ یعنی مجموعی طور پر یہ پروسیسر 2 ایم بی کیشیے پر مشتمل ہے ۔ یہ پروسیسر بھی HT OR Hyper threading کے عمل ( پروسیسینگ ) کا مجاز نہیں ہے ۔

3 ۔ پینٹیم ( ڈی ) پروسیسر ( نمونہ / ماڈل نمبر 840 ) ۔

ڈوئَل کور پروسیسر کا یہ سادہ نمونہ ہے ۔ اس پروسیسر کے ہر کرے کی رفتار 3.2 GHz اور اس کے FSB کی رفتار 800 ہے ۔ یہ پروسیسرز 64 بٹ پروسیسینگ کی وسعت ( ایکسٹینشن ) EM64T رکھتا ہے ۔ یعنی اس کو 64 اور 32 بٹ دونوں طرح کی طرز تعمیررکھنے والے کمپیوٹر اور آپریٹینگ سسٹم چلا پائینگے ۔ ہر کرہ 1 ایم بی کیشے رکھتا ہے ۔ یعنی مجموعی طور پر یہ پروسیسر 2 ایم بی کیشیے پر مشتمل ہے ۔ یہ پروسیسر بھی HT OR Hyper threading کے عمل ( پروسیسینگ ) کا مجاز نہیں ہے ۔

4 ۔ پینٹیم ( ایکسٹریم ایڈیشن ) پروسیسر ( نمونہ / ماڈل نمبر 840 ) ۔

ڈوئَل کور پروسیسر کا یہ سادہ نمونہ ہے ۔ اس پروسیسر کے ہر کرے کی رفتار 3.2 GHz اور اس کے FSB کی رفتار 800 ہے ۔ یہ پروسیسرز 64 بٹ پروسیسینگ کی وسعت ( ایکسٹینشن ) EM64T رکھتا ہے ۔ یعنی اس کو 64 اور 32 بٹ دونوں طرح کی طرز تعمیررکھنے والے کمپیوٹر اور آپریٹینگ سسٹم چلا پائینگے ۔ ہر کرہ 1 ایم بی کیشے رکھتا ہے ۔ یعنی مجموعی طور پر یہ پروسیسر 2 ایم بی کیشیے پر مشتمل ہے ۔ یہ پروسیسر HT OR Hyper threading کے عمل ( پروسیسینگ ) کا مجاز بھی ہے ۔ اس طرح یہ طبعی ( فیزیکل ) طور پر تو ایک ہی پروسیسر ہے اور دو مرکزی عمل کار کروں پر مشتمل ہے ۔ لیکن منطقی ( لوجیکل ) طور پر یہ چار پروسیسروں کی طرح کام کرتا ہے ۔ یعنی آپریٹینگ سسٹم اور پروگرامز اس کی موجودگی میں اس طرح سے عمل کرتے جیسے وہ چار پروسیسرز پر مشتمل کمپیوٹر میں کام کر رہے ہوں ۔ اور اس طرح احکامات کے چار دھارے بیک وقت چار منطقی ( لوجیکل ) پروسیسرز سے گزرتے ہیں ۔
نیچے دی گئی تصویر میں Task Manager چار پروسیسر کے استعمال کی تاریخ ( سی پی یو یوزیج ہسٹری ) دکھا رہا ہے ۔ دراصل یہ چار منطقی پروسیسرز کی معلومات دے رہا ہے ۔

پروسیسر ساز اداروں کی اشتہاری مہمیں ۔

دنیا کے مشہور پروسیسر ساز ادارے ( اے ۔ایم۔ ڈی ) اور ( اِنٹیل ) آج کل زوروشور سے اپنے اپنے ڈوئَل کور پروسیسر کے اراکین کو بظاہر حیران کن خصوصیات ، نت نۓ ناموں اور پرکشش ڈبوں میں پیش کر کے صارفین کی توجہ کا مرکز بنانے میں مصروف ہیں ۔ اس سلسلے میں معاونت کے لیے دونوں کمپنیوں کی اشتہاری مہمیں اپنے عروج پر ہیں ۔ اشتہار بازی کے اس شور میں یہ بنیادی سوال کہیں دب کر رہ گیا ہے کہ کیا موجودہ سنگل کور پروسیسر ماہیت کے لحاظ سے اپنے نقطہ اختتام کو پہنچ گیا ہے ؟ یہ وہ سوال ہے جو ہر اس شخص کے دل میں پیدا ہوتا ہے جو پروسیسرز کے بارے میں تھوڑا بہت بھی علم رکھتا ہے ۔ لیکن کم لوگ ہی اس بارے میں جانتے ہیں کہ ایک دوسرے کے خلاف برسر پیکار ان دو مشہور اداروں نے بیک وقت پروسیسر کی طرز تعمیر میں اتنی بڑی تبدیلی کیوں کی ۔

کمپیوٹر پروسیسر کی طرز تعمیر میں آخر اتنی بڑی تبدیلی کی وجہ ۔

پروسیسر کی اس قدر رفتار بڑھانے میں کمپیوٹر کھیلیں کھیلنے والوں نے عمل انگیز کا کام کیا ہے ۔ کیونکہ ہر کھلاڑی تیز ترین تفریح چاہتا ہے ۔ مغربی ممالک میں کمپیوٹر کھیلوں کے بڑے بڑے مقابلے منعقد ہوتے ہیں اور ان میں کھیل جیتنے والے کو خطیر رقم دی جاتی ہے ۔ اور ان کھیلوں میں زیادہ تر وہی جیتتا ہے جس نے کسی تیز ترین کمپیوٹر پر زیادہ دیر تک کھیل کی تیاری کی ہو ۔ کھلاڑیوں کے کمپیوٹر ، اے ایم ڈی اور اِنٹیل کے لیے میدان جنگ بن گیے ہیں ۔ ہر کمپیوٹر اخبار ان دونوں حریف اداروں کے پروسیسرز کی ماہیت کے تقابلی جائزے پیش کرتا ہے ۔ عام طور پر کمپیوٹر کھیلیں کھیلنے کے سلسلے میں اے ایم ڈی کے پروسیسرز کی جیت ہوتی ہے ۔
یہ بات اِنٹیل کی برداشت سے باہر ہے ۔ اس کی وجہ صاف ہے ۔ اِنٹیل دنیا کا سب سے بڑا پروسیسر ساز ادارہ ہے ۔ اِنٹیل نے ہی پہلی بار دنیا کے سامنے میز پے سمانے والا ( ڈیسک ٹاپ ) کمپیوٹر پروسیسر پیش کیا تھا ۔ اِنٹیل نے 1997 ء تک دنیاۓ زاتی کمپیوٹر پر سہی معنوں میں راج کیا ہے ۔ لیکن 1997ء میں اِنٹیل نے پہلی بار کسی ادارے سے خوف محسوس کیا وہ اے ایم ڈی تھا ۔ 1997ء سے اب تک اے ایم ڈی کمپیوٹر کھیلیں کھیلنے والوں کی آنکھ کا تارا بنا ہوا ہے ۔ لیکن مجھ سمیت دنیا میں اِنٹیل کے وفادار صارفین کی کمی نہیں ۔ انکارٹا انسائکلوپیڈیا کے مطابق دنیا کے 80 فیصد زاتی کمپیوٹروں میں اِنٹیل پروسیسر نصب ہے ۔
کمپیوٹر کے بڑے بڑے ماہرین کمپیوٹر پروسیسر کی طرز تعمیر میں اتنی بڑی تبدیلی کی وجہ یہ بتاتے ہیں کہ پروسیسر ساز ادارے ایک دوسرے کو نیچا دکھانے کی کوشش میں روز بروز پروسیسر کی رفتار بڑھاتے رہے ہیں ۔ رفتار بڑھانے کے عمل میں انہوں نے کافی ساری اہم باتوں کو نظرانداز کیا ہے ۔ ان میں سب سے اہم پروسیسروں کا بہت گرم ہوجانا بتایا جاتا ہے ۔ اس صورت حال سے بچنے کے لیے پروسیرز کو قیمتی ٹھنڈا رکھنے کے یونٹ لگاۓ جاتے ہیں ۔ ایسا خاص طور پر کھیلیں کھیلنے والے کمپیوٹر کے ساتھ کیا جاتا ہے ۔ کیونکہ تیز رفتار کھیلیں چلانے سے پروسیسر بہت جلد گرم ہوجاتا ہے ۔ یہ گرمی پروسیسر کی ساخت کو بہت ذیادہ نقصان پہنچاتی ہے ۔ 2003ء تک خیال تھا کہ دونوں ادارے 4 GHz تک کے پروسیسر پیش کریں گے ۔ لیکن پروسیسرز کے بے تحاشا گرم ہونے اور زیادہ بجلی استعمال کرنے کی وجہ سے ایسی رفتار رکھنے والے پروسیسرز کی تیاری کو منسوخ کردیا گیا ہے ۔ اس مسلے کے حل کے لیے ڈوئَل کور پروسیسر کی تیاری پر زور دیا جا رہا ہے ۔ اے ایم ڈی اور اِنٹیل اپنے اپنے ڈوئَل کور پروسیسر 90nm کی فیبریکیشن میں تیار کر رہے ہیں ۔ کیونکہ اصول ہے " چھوٹا فیبریکیشن سایز = کم طاقت کی کھپت = گرمی کی کم پیداوار " ۔ دونوں اداروں نے " سیاست " سے بھی کام لیا ہے ۔ اِنٹیل کی ہی مثال لیجیے ، اِنٹیل کے پیش کیے جانے والے طاقتور ڈوئَل کور پروسیسر کی رفتار 3.2 GHz ہے جوکہ موجودہ پنٹیم سے کہیں کم ہے ۔ آج کے موجودہ پینٹیم پروسیسر کی زیادہ سے زیادہ رفتار 3.8 GHz ہے ۔ طاقتور ڈوئَل کور پروسیسر کی رفتار 3.2 GHz اس لیے ہے تاکہ پروسیسر جلدی گرم نہ ہو ۔ لیکن جیسا کہ آپ جانتے ہیں ڈوئَل کور پروسیسر میں 3.2 GHz رفتار رکھنے والے دو کرے ہوتے ہیں اس لیے نیا ڈوئَل کور پروسیسرموجودہ 3.8 GHz رفتار رکھنے والے پینٹیم سے کہیں تیز عمل کرتا ہے ۔

اِنٹیل کے مصنوعی ذہانت رکھنے والے ( ملٹی کور ) پروسیسر کے حصول کے لیے نقشہ راہ ( روڈ میپ ) ۔

دنیا کے سب سے بڑے پروسیسرز ساز ادارے اِنٹیل کے بقول یہ نیا ڈوئَل کور پروسیسر ، درحقیقت ( ٹرپل کور ) ، ( ٹیٹرا کور ) اور کار ( ملٹی کور ) پروسیسرز کی بنیاد فراہم کرے گا ۔ تصویر میں موجودہ سنگل کور پروسیسرز کے نام نیلے حصے میں لکھے گیے ہیں اور ( ملٹی کور ) پروسیسرز کے نام سبز حصے میں لکھے گئے ہیں ۔ نقشہ راہ کو بغور دیکھنے سے صاف دکھتا ہے کہ اِنٹیل، ( ملٹی کور ) پروسیسرز کے مستقبل سے کتنا پر امید ہے ۔
( ملٹی کور ) مرکزی عمل کار مستقبل کی بے انتہا پیچیدہ فنی مہارتوں ( ٹیکنالوجیز ) کو عملی جامہ پہنانے میں مدد گار ثابت ہوگا ۔ ان پیجیدہ فنی مہارتوں ( ٹیکنالوجیز ) میں سے دو کی مثالیں درج زیل ہیں ۔

مصنوعی ذہانت پیدا کرنے میں معاونت ۔

کمپیوٹر میں صد فیصد مصنوعی ذہانت پیدا کرنے کی فنی مہارت ( ٹیکنالوجی ) بھی ان پیچیدہ فنی مہارتوں ( ٹیکنالوجیز ) ميں سے ہے ۔ اس میں ایک کمپیوٹر ایک نینو سیکنڈ سے بھی کم عرصے میں اربوں کھربوں خیالات ، محسوسات ، جوابات ، سوالات ، حسابات اور عملیات کو بیک وقت کرے گا ۔ اس طرح کے طرز عمل سے کمپیوٹر کو انسانی ذہن سے بھی زیادہ عمدہ طریقے سے کام کرنے کا موقعہ ملے گا ۔مستقبل کے خلائی سفر کی قلید ۔

اور مستقبل میں خلائي سفر میں پوزیٹرون ( الیکٹرون کی ضد ) کی مدد سے بیک جنبش قلب ہزارہا کلومیٹر کا سفر طے کر جانے کی فنی مہارت ( ٹیکنالوجی ) بھی بڑی پیچیدہ ہے ۔ فی زمانہ اس طرح کے سفر کرنے کے بارے میں سوچنا بھی خواب محسوس ہوتا ہے ۔اس سفر میں ایک نہایت عمدہ خلائی جہاز کے ساتھ ساتھ ایسے ذہن کی بھی ضرورت ہو گی جو اس انداز سے سوچے جس کے لیے برق رفتاری جسے الفاظ بھی کم پڑتے ہوں ۔ یعنی وہ خلائی جہاز کے اس قدر تیز رفتاری کے سبب ، اپنے ذخیرہ حقائق ( ڈیٹا سٹوریج ) سے لحظہ بہ لحظہ بدلنے والے خلائی نقشوں کی تفصیل مانگتا رہے اور اپنی مصنوعی ذہانت کو بروئے کار لاتے ہوے ان دیکھی اور انجانی صورت حال میں بھی صحیح سمت کا تعین کرے، مسلسل خلائی جہاز کے پرزوں اور جسامت کی صحت کا خیال رکھے۔ خلا کی اندھیر نگری میں چھپے ہوۓ سیاہ نقطوں ( بلیک ہولز ) سے اپنی بصیرت اور موجودہ معلومات کے مطابق بچنے کا انتظام کرے ۔ اپنے خالق یعنی انسان کے سست الوجود ہونے کے باوجود بھی اس سے مخلص رہے ۔ انسان کی اس بےنظیر مصنوعی تخلیق کو آج کے سائنسدان ( ملٹی کور ) مرکزی عمل کار کی معاونت سے معرض وجود میں آتا دیکھتے ہیں ۔ لیکن کمپیوٹر کو اس جگہ پہنچنے کے لیے کم از کم ایک صدی درکار ہے ۔

محمد شمیل قریشی کی بہت اعلٰی کاوش۔ اس مضمون پرحارث نے نظرِثانی کی۔

My Wallop

2005-10-01T08:57:00.000-07:00

گوگل کے orkut اور یاہو کے yahoo!360° کی طرز پر مائیکروسافٹ نے سوشل نیٹ ورکنگ کے لئے project wallop بنایا ہے۔ یہ پراجیکٹ 2001 میں شروع کیا گیا تھا۔ مائیکروسافٹ نے اگست 2005 میں اعلان کیا تھا کہ وہ MSN spaces میں ایک نیا "فرینڈز اینڈ فیملی" کا فیچر شامل کریں گے۔ جس میں orkut اور yahoo!360°کی طرح دوستوں کو شامل کرنے کی سہولت ہوگی۔ بد قسمتی سے مجھے ابھی تک msn کے کسی بھی beta پروگرام میں شامل نہیں کیا گیا اس لئے میں ایک "بٹر فلائی" نہیں ہوں اور میرے پاس سارے windows سے متعلقہ پروگرام ہیں اس لئے میں فرینڈز اینڈ فیملی اور ویلوپ کے لنک بارے کچھ بھی کہنے سے قاصر ہوں۔
میری ذاتی رائے میں ویلوپ شائد ونڈوز ویسٹاکے ساتھ ریلیز کیا جائے (ونڈوز ویسٹاپر بھی 2001 سے کام ہو رہا ہے) کیونکہ یہ فلیش بیسڈ سائٹ ہے ونڈوز ویسٹا سے بہت متشابہ ہے۔ تھیم میرے پسندیدہ کالے رنگ میں ہے۔ لیکن اگر آپ کا ذوق کالے رنگ کو برداشت نہیں کرتا تو آپ تھیم تبدیل بھی کر سکتے ہیں۔
ویب سائیٹ صرف 768x1024 کی ریزولیشن پر پوری دیکھی جا سکتی ہے۔ 600x800 کی سکرین ریزولیشن پر آپ نیچے کا کچھ حصہ مِس کردیں گے۔ وزٹ کرنے کے لئے انٹرنیٹ ایکسپلورر بہترین ہے یا پھر ہم سب کا فیورٹ اوپرا۔ فائر فاکس میں وزٹ کرنا ہو تو پہلے آپکو فلیش پلگ اِن ڈاؤن لوڈ کرنا پڑے گا۔
ویلوپ ابھی ٓصرف انویٹیشن کے زریعے ہی رسائی کے قابل ہے اور چونکہ سیسٹم ایک پاس ورڈ جنریٹ کر کے آپکے ای میل ایڈریس پر پھیجتا ہے اس لئے اسکی انویٹیشن ویب2مسینجر کی طرح لنک کی صورت نہیں دی جا سکتی۔ اگر کسی صاحب کو ویلوپ کی انوٹیشن چائیے ہو تو کمنٹس باکس انکا منتظر ہے J

آپٹیکل فائبر نیٹ ورک

2005-10-01T02:10:00.000-07:00

پاکستان اور بھارت نے آپٹیکل فائبر نیٹ ورک بچھانے کے لئے اصولی طور پر اتفاق کرلیا ہے اور اس سلسلے میں دونوں ممالک کی تجارت کی وزارتیں عملی طور پر اقدامات کرنے کی تیاری کررہی ہیں اور عنقریب اس سلسلے میں باضابطہ اعلان کردیا جائے گا۔

ان خیالات کا اظہار بھارتی ہائی کمیشن کے رابطہ سیکرٹری صبیح جارج نے اپنی رہائش گاہ پر منعقدہ تقریب میں جنگ سے بات چیت کرتے ہوئے کیا۔ انہوں نے کہاکہ بھارت، پاکستان میں ہونے والی ٹیلی کام اور آئی ٹی کے شعبے میں ترقی پر گہری نظر رکھے ہوئے ہیں۔ تقریب میں دیگر ممالک کے سفارت خانوں کے اعلیٰ عہدیداروں نے بھی شرکت کی۔

ونڈوز ویسٹا تھیم

2005-09-28T07:14:00.000-07:00

اگر آپ ونڈوز ویسٹا بی ٹا 1 اپنے کمپیوٹر پر انسٹال نہیں کرنا چاہتے مگر پھر بھی چاہتے ہیں کہ آپ کی ونڈوز ایکس پی کو کسی طرح ونڈوز ویسٹا جیسی تھیم مل جائے تو ہمارے پاس کچھ ایسا ہے جو آپ ہر حال میں آزمانا چاہے گیں۔ مگر اس سے پہلے ہم آپکو وہی گھسی پٹی نصیحتیں کریں گے کہ یہ آپ اپنی ذمہ داری پر کر رہے ہیں، اپنی ونڈوز میں سیسٹم ریسٹور پوائنٹ بنا لیں یا اپنا ڈیٹا بیک اپ کر لیں۔
سب سے پہلے تو آپ ایک چھوٹا سا سوفٹ وئیر UXTheme multi-patcher اس لوکیشن سے ڈاؤن لوڈ کر لیں۔تھیم پیچر

اس کے بعد آپ ونڈوز ویسٹا کی تھیم اس لوکیشن سے ڈاؤن لوڈ کریں۔

تھیم فائل

آپ آسانی سے یہ سب کام ایک ٹول 'ونڈوز بلائنڈز' سے بھی کر سکتے ہیں مگر اس طریقے سے تکنیکی طور پر لوگوں کی ایسی چیزوں میں دلچسپی بڑھتی ہے خیر یہ ہمارا ذاتی خیال ہے اور آپکا ہم سے متفق ہونا ضروری نہیں۔
اپ آپ ذرا اپنی اس ڈرائیو میں جہان ونڈوز انسٹال ہے جائیں اور پھر اس لوکیشن windows/system32 میں uxtheme.dll نامی فائل کو ڈھونڈیں اور اس کی ایک کابی کسی دوسری لوکیشن میں محفوظ کر لیں۔ uxtheme.dll فائل میں ونڈوز کی وہ پروٹیکشن لگی ہوتی ہے جو کہ ونڈوز پر کسی تھرڈ پارٹی تھیم کو انسٹال ہونے سے روکتی ہے۔
UXTheme multi-patcher کو رن کریں اور patch پر کلک کر دیں۔ فوراََ ہی ونڈوز کے سارے گرافکس غائب ہو جائیں گیں۔ اور ونڈوز ۲۰۰۰ جیسا look نظر آئے گا۔ ایک ڈائیلاگ باکس نمودار ہوگا جو آپ سے پوچھے گا کہ کیا ونڈوز کو ریسٹارٹ کر دیا جائے؟ اپنا سیسٹم ریسٹارٹ کر دیں۔
کمپیوٹر ریسٹارٹ ہوتے ہی آپ حیران ہونگے کہ ارے یہ کیا گرفکس تو واپس آ گئے۔ کیا ہم سے کوئ غلطی ہو گئی ہے؟ تو جناب اطمینان رکھئیے آپ سے کوئی غلطی نہیں ہوئی۔ کیا ہوا جو ونڈوز ایکس پی کے گرفکس واپس آگئے۔ ونڈوز کی تھیمز پروٹیکشن تو واپس نہیں آئی نا۔
اب لانگ ہارن تھیم جو پہلے ڈاؤن لوڈ کی تھی کے فولڈر میں سے لانگ ہارن نام کا فولڈر اٹھائیں (کاپی) اور اس ڈرائیو میں جہاں ونڈوز ایکس پی انسٹال کی ہوئی ہے کی ڈائیریکٹری windows/Resource/Themes میں پیسٹ کر دیں۔
ڈیسپلے پراپرٹیز میں appearance ٹیپ منتخب کر لیں اور 'ونڈوز اینڈ بٹن' سکرول باکس میں سے لانگ ہارن تھیم منتخب کریں۔
کلر سکیم میں سے ۵ مختلف لانگ ہارن تھیمز میں سے اپنی پسند کی تھیم منتخب کر کے اوکے کر دیں۔۔
لیجئے ونڈوز ایکس پی لانگ ہارن جیسا منظر پیش کر رہی ہے۔ اگر آپ لانگ ہارن کا وال پیپر بھی استعمال کرنا چاہتے ہیں تو لانگ ہارن تھیم والے فولڈر میں سے لانگ ہارن کا وال پیپر ڈھونڈ لیں۔
Note یہ تھیم آپ ونڈوز بلائنڈز کے ذریعے استعمال نہیں کر سکتے۔ ونڈوز بلائنڈز کے ذریعے استعمال ہونے والی یا مزید تھیمز ڈھونڈنے کے لئے http://www.getskinned.org یا پھر http://www.deviantart.com وزٹ کریں۔

بدتمیز ایک تو آپ اپنا نام بتائيۓ دوسرا پوسٹ میں تاہوما فونٹ استعمال نہ کریں۔ بغیر فونٹ کے تعین سے بھی یہ ٹیمپلیٹ خودہی فونٹ کا فیصلہ کر لیتا ہے البتہ اردو ویب نسخ کے استعمال سے پیش منظر بہتر ہوتا ہے۔ٓ لنک کو ٹیگ میں لکھا کریں۔

اس خبر کوآخری دفعہ حارث نے تبدیل کیا۔

انٹرنیٹ فون میں ہیکروں کی دلچسپی

2005-09-28T06:54:00.000-07:00

ایک رپورٹ کے مطابق ہیکروں کی دلچسپی کا نیا مرکز انٹرنیٹ کی مدد سے کی جانے والی ٹیلیفون کال کی ٹیکنالوجی ہے۔رپورٹ کے مطابق کمپیوٹر کے یہ مجرم ’ وائس اوور آئی پی‘ یا انٹرنیٹ کے ذریعے آواز کے تبادلے کی تکنیک میں دلچسپی لے رہے ہیں۔ اس رپورٹ میں یہ خدشہ بھی ظاہر کیا گیا ہے کہ اگلے اٹھارہ ماہ کے دوران ’وائس اوور آئی پی‘ کو مجرمانہ سرگرمیوں کے لیے استعمال کیا جانا شروع کر دیا جائے گا۔

سنہ 2005 میں’ وائس اوور آئی پی‘ خبروں کا موضوع رہی ہے کیونکہ اس برس زیادہ سے زیادہ افراد کو یہ معلوم ہوا کہ وہ اس ٹیکنالوجی کی مدد سے عام فون کے ذریعے کال کرنے کی بجائے انٹرنیٹ فون کے ذریعے بات کر کے قابلِ ذکر رقم کی بچت کر سکتے ہیں۔

تاہم انٹر نیٹ کے ذریعے کی جانے والی یہ کالیں’ وائس اوور آئی پی‘ نظام کو نہ صرف ہیکروں کے لیے قابلِ رسائی بنا دیتی ہیں بلکہ سکیورٹی نظام میں خلل کا بھی سبب بن سکتی ہیں۔

’وائس اوور آئی پی‘ نظام کے استعمال سے مندرجہ ذیل مشکلات پیدا ہو سکتی ہیں۔

1۔ آڈیو سپیم جو کہ وائس میل باکس کو پُر کر دیتا ہے۔
2۔ مشینی آوازیں جو کہ صارف سے اس کی خفیہ معلومات طلب کرتی ہیں۔
3۔ کال ہائی جیکنگ، جس کے نتیجے میں آپ کی کال مجرموں سے جا ملتی ہے۔
4۔ کالر آئی ڈی سپوفنگ

سیمنٹک ریسرچ لیب کی تکنیکی منیجر اولی وائٹ ہاؤس کا کہنا ہے کہ یہ بھی ضروری ہے کہ اس خطرے کی اتنی تشہیر نہ کی جائے کہ اس سے وی او آئی پی ٹیکنالوجی کے استعمال پر اثر پڑے۔

ان کا کہنا تھا کہ ’ اب تک اس نظام پر بہت کم ہیکر حملوں کی اطلاعات ملی ہیں لیکن سیمنٹک کا خیال ہے کہ آنے والے وقتوں میں اس نظام پر زیادہ حملے ہو سکتے ہیں‘۔

سیمنٹک کی اس رپورٹ میں یہ بھی کہا گیا ہے کہ وائس اوور آئی پی کے استعمال سے ہیکنگ کی ایک پرانی تکنیک’وار ڈائلنگ‘ دوبارہ سامنے آ سکتی ہے۔ اپنی اصل شکل میں ’وار ڈائلنگ‘ کے ذریعے بے شمار فون کالیں کی جاتی تھیں تاکہ یہ پتہ چلایا جائے کہ کس کال کے جواب میں ڈیٹا ٹون آتی ہے۔

کچھ ہیکر گروہ ’وی او آئی پی‘ نمبروں کی مدد سے یہ جان سکتے ہیں کہ ان کے ساتھ کون بات کر ہا ہے اور اس کے بعد کمزور سرور کی نشاہدہی کر کے وہ اس سے فائدہ اٹھا سکتے ہیں۔

سیمنٹک کے تحقیق دانوں کا کہنا ہے کہ ’ڈینائل آف سروس‘ حملوں کی تعداد میں بھی اضافہ ہوا ہے اور اب ہر روز اوسطاً 927 ’ڈی او ایس‘ حملے کیے جاتے ہیں۔

اردو لنکبی بی سی رپورٹ BBC Report

نیا ٹیمپلیٹ

2005-09-28T06:47:00.000-07:00

السلام علیکم۔
اردو ٹیک کے نامہ نگار اور قارئین اس نئے ٹیمپلیٹ کو دیکھ کر حیران اور بعض پریشان ہونگے۔ لیکن ایسی کوئی بات نہیں ہے۔ اردو ٹیک کے ٹیمپلیٹ کی ذمہ داری میں نے رضاکارانہ طور پر اپنے کاندھوں پر لی تھی اور قدیر نے بڑے بھائی کی طرح عزت کرتے ہوئے پورا بلاگ میرے رحم و کرم پر چھوڑ دیا تھا۔ شکريہ قدیر۔

بعض مصروفیات کی وجہ سے مجھے اس کا ٹیمپلیٹ بنانے میں تاخیر ہو گئی۔ اور دوسری وجہ اس کو اک نئي پہچان دينے اور تمام براؤزرز کے ليے يکساں بنانے پر بہت وقت صرف ہوا۔ دراصل يہ سارا کوڈ نوٹ پیڈ میں لکھا گيا ہے۔ فرنٹ ٫پیج کے ایچ ٹی ایم ایل ایڈیٹر کی بھي مدد لي گئي ہے۔
ابھی اس میں کافی تصحيح کی گنجائش ہے۔ چنانچہ آپ لوگوں سے التماس ہے کہ اس کی کمزوریوں اور نقائص کو ڈھونڈيے اور مجھے آگاہ کیجيۓ۔ میرا ایمیل ایڈریس اوپر روابط میں ديا گيا ہے۔ کسی قسم کی پریشانی کی صورت میں میں پیشگی معذرت چاہتا ہوں۔
ابھی آر ایس ایس ٹو فیڈ اور اسکی ایکس ایم ایل چیک کرنی ہیں۔ يہ ٹیمپلیٹ کچھ حد تک ایکس ایم ایل ہے۔
اب آپ کو لکھتے وقت کوئی فونٹ سیلیکٹ کرنے کی ضرورت نہیں ہوگی۔ البتہ میں اس ٹیمپلیٹ کے خفیہ فنکشن بنا کر آپ کوجلد آگاہ کروں گا۔ تمام نامہ نگاروں کا خصوصی طور پر شکریہ ادا کرتا ہوں جو کہ اس نئے اخبار کی ترقی میں حصہ لے رہے ہیں۔ اور قارئین کرام کا بھی جوکہ ہماری ہمت بندھائے ہوئے ہیں۔

بڑھتے رہیئے، کامیابی آپ کے قدم چومے گی۔

ایڈیٹر
اردو ٹیک نیوز۔

گوگل سات برس کا ہو گيا ہے۔

2005-09-27T14:00:00.000-07:00

گوگل ساتویں سالگرہ منا رہا ہے۔ دیکھتے ہیں اس دفعہ کیا نيا تحفہ دیتا ہے۔ گوگل کی بھی اپنی الگ ریت ہے۔ اپنی سالگرہ پر بجائے تحائف لینے کہ تحائف دیتا ہے۔ گوگل میل کا روزبروز بڑھتاہوا ان باکس ہے۔

Atom کی بجائے RSS کا استعمال

2005-09-23T09:03:00.000-07:00

اسلام و عليکم

بلاگر استعمال کرنے والوں کو بلاگر Atom Feed تجويز کرتا ہے۔ مگر بہت سے فيڈ ريڈر Atom Feed کو مدد فراہم نہيں کرتے، دوسرے الفاظ ميں ايسے تمام فيڈ ريڈر جن ميں ايٹم کو مدد فراہم نا کی جاتی ہو ميں بلاگر کے ديے ہوئے فيڈ نہيں پڑھا جا سکتا۔

اگر آپ ميرے بلاگ کے دائيں جانب ديکھيں تو آپ کو مختلف فيڈ کے نشان نظر آئيں گے جو کہ RSS2.0 پر بنے ہيں۔ آپ بھی اس کو اپنے بلاگ کا مجوزہ (Default) فيڈ بنا سکتے ہيں۔ دوسرا اسکا سب سے بڑا فائدہ يہ ہے کہ اِسے ہم سمارٹ فيڈ کہتے ہيں جس کو ہر طرح کے فيڈ ريڈر کی مدد سے پڑھا جا سکتا ہے۔ دوسرا فائدہ اس کی مدد سے ہم ديکھ سکتے ہيں کہ کتنے لوگوں نے اور کس طرح فيڈ کو پڑھا۔ تيسرا فائدہ کہ عموما فيڈ مختلف کوڈ کی صورت ميں ايک براؤزر ميں نظر آتا ہے جبکہ اس فيڈ کو ہم ايک ويب کے عام صحفے کی طرح ديکھ سکتے ہيں۔ تجرباتی طور پر ميرے بلاگ کا فيڈ ملاخذہ فرمائيں جہانزيب بمقابلہ جہانزيب اب نيچے ميں بتاؤں گا کہ کس طرح آپ بھی RSS Feed حاصل کر سکتے ہيں۔

سب سے پہلے آپ Feed Burner کی ويب سائٹ پر جائيں۔ اور دی گئی جگہ پر اپنے بلاگ کے فيڈ کا پتہ درج کريں يا صرف بلاگ کا پتہ ہی لکھ ديں۔

اس کے بعد دوسرے درجے ميں اپنی فيڈ کا پيش منظر اور پتہ لکھيں اور ديا گيا فارم پُر کرديں۔ اور سب سے نيچے Activate کا بٹن دبا ديں۔ اس کے بعد ايک مبارک باد کا صحفہ آ جائے گا جس ميں آپکا فيڈ کا پتا ديا ہو گا يہاں پر آپ اگلا درجے پر جانے کے لئے Next کا بٹن دبائيں اور مندرجہ ذيل حصہ پر نشان لگا ديں۔ اب اگلے درجے ميں جانے کے لئے بٹن دبائيں۔

اب آپ کے سامنے مندرجہ ذيل صحفہ آ جائے گا۔

اس صحفے ميں سب سے پہلے Optimize پر جائيں اور Browse Friendly اور Smart Feed کے حصے پر جا کر کے اُن کو Activate کر ليں۔ اس صحفے پر اور ترجيحات بھی شامل ہيں اور آپ انکو ديکھ کر خود فيصلہ کر ليں کس چيز کی آپکو ضرورت ہے اور اسے activate کر کے محفوظ کر ليں۔

دوسرے مرحلہ ميں آپکو ايک عدد يا زيادہ بٹن کی ضرورت ہو گی جن کو آپ اپنے بلاگ کے صحفے پر لگانا چاہيں گے۔ اس کے لئے آپ Publicize والے حصے پر جائيں اور وہاں Friendly Graphics پر جا کر کے کوئی ايک يا زيادہ بٹن پسند کر کے منتخب کر ليں اور جو کوڈ ديا جائے اسے اپنے بلاگ پر لگا ديں۔ يہاں پر بھی بائيں جانب مختلف تراکيب ہوں گی آپ ان کو بھی ديکھ ليجيے گا ۔۔

اب يہاں تک تو ہم نے فيڈ کا پتہ حاصل کر ليا ہے اور ايک عدد بٹن بھی جسے ہم اپنے بلاگ پر نصب کر کے ايک قاری کو دکھا سکتے ہيں کہ جی جناب اگر آپ فيڈ ريڈر ميں پڑھنا چاہيں تو يہ رہا پتہ اسے استعمال کجيئے۔ مگر بہت سے سرچ انجن اور بہت سے قاری بغير سائٹ پر آئے ہی فيڈ ريڈر سے يا سرچ انجن کی صورت ميں Robots کے ذريعے آپکا فيڈ ديکھتے ہيں تو وہ ہمارے سانچے (Template) کے بالائی حصہ (Header) سے ہی معلومات ليتے ہيں اور وہاں جو پتا ہو گا وہ بلاگر کے تجويز کردہ Atom Feed کا ہو گا۔ لو ساری محنت پر پانی پڑ گيا نا۔۔ نہيں نہيں پريشان نہيں ہوں ہم اسکا بھی علاج کر ليتے ہيں۔ بلاگر ميں فيڈ کے لئے تمام ٹيگ ايک ہی ٹيگ کے تحت نظم ميں لائے جاتے ہيں۔۔ جو کہ مندرجہ ذيل ہے

اس ايک ٹيگ کے تحت جو کوڈ بنتے ہيں اُنکو ہم بلاگر کے Template والے حصے ميں براہ راست نہيں ديکھ سکتے ہيں اسکی بجائے ہميں صرف اوپر ديا گيا ايک ٹيگ نظر آتا ہے۔ کوئی بات نہيں ہے جی اسکا علاج بھی کر ليتے ہيں آپ اپنا بلاگ کھوليں اور اسکے Source کو ديکھيں۔ انٹرنيٹ ايکسپلورر ميں View--> Source اور فائرفاکس ميں view--> Page source اسکے بعد آپکو مندرجہ ذيل کوڈ نظر آئيں گے۔ اور اگر نہيں آتے تو اسکا مطلب يہ ہے کہ آپکے بلاگر کے سانچے ميں BlogMetaData والا ٹيگ شامل نہيں کيا گيا ہے خير کوئی بات نہيں آپ نچيے والے کوڈ ہی Copy کر کے وہاں title کے بعد لگا سکتے ہيں۔ صرف آپکو اس ميں Blog ID بدلنا ہوگی اگر آپکو اپنے بلاگ کی ID نہيں پتا تو کوئی بات نہيں آپ کمنٹ والے صحفے پر جائيں اور ايڈريس والی پٹی ميں آپکا بلاگ کا نمبر ديا ہو گا ۔۔

اب اس اوپر ديے گئے کوڈ ميں ہميں صرف ايک لائن تبديل کرنی ہوگی جس سے ROBOTS ہماری فيڈ کا پتا چلاتے ہيں۔ اور وہ لائن تيسری لائن ہے جو کہ مندرجہ ذيل ہے

ہميں اس اوپر والے کوڈ ميں blogspot والا پتہ حذف کر کے اپنا نيا پتہ لکھنا ہو گا۔ ايک اور ہدايت ميں نے يہ يہاں سے پڑھ کر لکھا ہے۔ مگر جو کوڈ يہاں <style type="text/css"> اور </style>
کے درميان ہيں جسے ہم عرفِ عام ميں CSS کہتے ہيں اس کو وہاں شامل نہيں کيا گيا ہے اور اسکی وجہ سے فرق يہ پڑتا ہے کہ بلاگر ميں جب ہم sign in ہوں تو جو پوسٹ کے ساتھ فوری طور پر ترميم کرنے کا نشان اور اسکو ای ميل کرنے والا لفافہ شامل نہيں ہوں گے جبکہ اس CSS کو شامل کرنے سے ہم ای ميل کا نشان اور فوری طور پر کسی مضمون ميں ترميم والا نشان ديکھ سکيں گے۔ ليجيے جناب اب تمام سرچ انجن بھی آپکے نئے فيڈ سے آگاہ ہو گئے اور آپ کو يہ بھی پتا ہے کہ فيڈ کہاں اور کون پڑھ رہا ہے۔ تو آپ سب کو يہ سبق کيسا لگا D: تبصرہ ميں لکھنا نہيں بھولئے گا۔۔

ايک اور ياد دہانی آپ اپنے بلاگر کی settings ميں جا کر Site Feed ميں publish site feed کو yes اور Descriptions کو Full ميں کرنا مت بھولئے گا۔

اوپر والے کوڈ ميں جہاں جہاں ******* ہيں ان کو اپنے بلاگ کی ID سے بدل ديں اور Title کو اپنے بلاگ کے پيش لفظ سے بدل ديں۔ جب آپ يہ کوڈ اپنے ٹمليٹ ميں شامل کريں تو blogmetadata والا ٹيگ ہٹا کر اسکی جگہ انکو وہاں رکھيں۔

والسلام

اوپرا ہی اوپرا

2005-09-22T18:26:00.000-07:00

سب لوگ اوپرا اوپرا کر رہے ہیں تو میں نے سوچا ذرا ہم بھی اس پر کچھ لکھ ماریں۔
اوپرا صرف 48 گھنٹوں میں فری ہونے کی وجہ سے 1 ملین کی تعداد میں ڈاؤن لوڈ ہو چکا ہے۔
جبکہ ورژن 8 اپریل میں ریلیز ہونے پر اس سے نصف تعداد میں ڈاؤن لوڈ ہوا تھا۔
اوپرا نے فری ہونے کی حرکت صرف فائر فاکس سے آگے نکلنے کے لئے کی ہے۔
پاکستان میں آپریٹ کرنے والی انٹرنیشنل موبائل نیٹ ورک کمپنی ٹیلی نار کے کیمپس میں اوپرا ایک پروجیکٹ کے طور پر شروع ہوا تھا جو آج دنیا کا تیز ترین ویب براؤزر ہے۔

Msn پر نئی پوسٹ سے دوستوں کو مطلع کريں

2005-09-21T20:39:00.000-07:00

Msn Spaces پر جب بھی کوئی نئی پوسٹ کی جائے تو ہمارے ميسنجر ميں موجود لوگوں کو خودکار طريقہ سے اس سے آگاہی ہو جاتی ہے ۔ ليکں ہم Msn Spaces کا استعمال کرتے ہوئے اپنے بلاگر کی نئی پوسٹ کو بھی اپنے مسينجر پر دکھا سکتے ہيں اور اس طرح زيادہ لوگوں کو اپنے بلاگر پر گھير کے لا سکتے ہيں ۔ اس کے لئے ہميں اپنے spaces اور بلاگر کی settings ميں کچھ تبديلياں کرنا ہوں گی۔ جو درج ذيل ہيں۔

اپنے Msn spacesميں داخل ہوں اگر آپ نے اکاؤنٹ پہلے سے نہيں بنايا ہوا تو اب بنا ليں۔ بالکل مفت ہے کونسا کوئی پيسے لگ رہے ہيں۔ وہاں آپ کو دائيں جانب settings لکھا نظر آئے گا۔ اگر پہلی بار ميں نظر نہيں آئے تو غور سے ديکھيے لکھا ہوا ہو گا مجھے بھی عينک لگا کر نظر آيا تھا۔ جی تو جناب اب نظر آ گيا؟ اچھا اب وہاں کلک کريں اور اب آپ کو E-mail Publishing کا بٹن نظر آئے گا وہاں جائيں اور turn on e-mail publishing پر نشان لگا ديں۔ دوسرے حصے ميں اپنا وہ ای ميل لکھيں جو آپ نے اپنے بلاگر کے کھاتے ميں ديا ہوا ہے۔ اوہ کيا ياد نہيں کوئی بات نہيں جناب آپ بلاگر کے کھاتے ميں داخل ہوں اور وہاں دائيں جانب سے اپنی پروفائل کو ديکھيں وہاں آپ کو نظر آ جائے گا۔ اب تيسرا حصہ آتا ہے word verification کا يہاں اپنی مرضی کا لفظ لکھيں۔ اب چوتھے حصے کی جانب آتے ہيں وہاں Publish entries immediately پر نشان لگائيں۔ ليجيے جناب پانچويں حصہ ميں آپکو ايک ای ميل بتايا جائے گا اسکو ذہن نشين کر ليں يا لکھ ليں مگر کسی کو بتائے گا نہيں کيونکہ جس کو وہ ای ميل پتا ہو گا وہ آپکے spaces پر کچھ بھی لکھ سکتا ہے۔ چلو جی spaces پر ہمارا کام ختم شُد۔

اب اپنے بلاگر کے کھاتے کو کھوليں اور اپنے بلاگ کے مرکبات (settings) پر جائيں وہاں آپ E-mail پر تشريف لے جايے اب آپ کو BlogSend Address لکھا نظر آئے گا تو جناب وہاں جو e-mail آپ کو Spaces کے پانچويں درجے ميں ديا گيا تھا جس کے بارے ميں ميں نے ابھی اوپر کہا تھا ياد رکھنا ہے مگر کسی کو بتانا نہيں اور آپ خود ہی بھول گئے واہ جناب ۔ وہ email يہاں لکھ ديں اور اپنے بلاگر ميں اسے محفوظ کر کے بلاگ کو ازسرِنو ترتيب (Republish) کر ديں۔۔ بس جناب اب آپ جو پوسٹ بھی لکھيں گے آپکے Msn ميں موجود لوگوں کو اسکا پتا چل جائے گا۔

ہدايات۔ اپنے ايم ايس اين سپيسِز کی settings ميں ان کو public پر کر ديں اور تبصرہ جات اور trackbacks کو معطل(turn Off) کر ديں تا کہ وہاں جو بھی آپکے ايم ايس اين سے تشريف لائے تو سيدھا آپکے بلاگر کے کھاتے پر آ جائے۔

ايک اور بات جس کے بارے ميں ميں غير يقينی صورتحال کا شکار ہوں کہ آيا ايم ايس اين سپيسِز 25MB سے کم والے صارف کو بلاگ کی سہولت ديتا ہے يا نہيں۔ اگر نہيں تو تبصرہ ميں بتا ديجيے گا کہ ميں بتا سکوں آپ 25MB جگہ کيسے حاصل کر سکتے ہيں۔ شکريہ کی کوئی ضرورت نہيں ايسا چلتا رہتا ہے۔

والسلام

Opera Free قسط2

2005-09-21T18:22:00.000-07:00

کل صبح میں نے اوپیرا Opera Browser ڈاؤن لوڈ کیا اور شام کو میں نے FireFox کو ایک عدد ٹھڈا مار کر باہر کر دیا ۔ یہ اقدام Opera Browser کے مفت (Free) ہونے کے بعد کیا ہے ۔ اب آپ کو اوپیرا کے لیے پیسے بھرنے کی ضرورت نہیں ہے اور نہ ہی آپ اس پر اشتہارات (Ads) دیکھیں گے ۔ بلکہ یہ بیرونی دراندازی سے بالکل پاک ہوگا ۔ ابھی ڈاؤن لوڈ کیجیے ۔مجھے اوپیرا پہلے بھی پسند تھا مگر مسئلہ اس کی خریداری کا تھا ۔ پہلے یہ لوگ اس کو رجسٹرڈ کرنے کی رقم مانگتے تھے جبکہ حال ہی میں اسے مفت کر دیا ہے ۔ اب آپ اوپیرا کا ورژن 8٫5 مفت ڈاؤن لوڈ کر سکتے ہیں ۔

Opera Browser کی نمایاں خصوصیات مندرجہ ذیل ہیں

مختصر 3.8MB کا ڈاؤن لوڈ سائز
نفیس ڈیزائن (Fine Layout)
صفحات کھولنے میں تیز رفتاری
فائر فاکس کی نسبت اوپیرا کا پروگرام جلد کھلتا ہے
ٹیب براؤزنگ (Tabbed Browsing)
بے فائدہ ونڈوز کی روک تھام (Popup Blocker)
ویب سرچ کی (Web Search) کی سہولت ۔ اوپیرا میں Google اور Download.com کے علاوہ کئی دیگر search services پہلے ہی سے موجود ہیں ۔
براؤزر کے اندر موجود ای میل کلائنٹ (Email Client) ، جس کی بدولت آپ کو مزید کسی اور ای میل کلائنٹ کی ضرورت نہیں پڑتی ۔ براؤزر کے اندر ہی POP, IMAP,News اور IRC چیٹ کی سہولیات موجود ہیں ۔ اس کے علاوہ آپ اپنے contacts بھی محفوظ کر سکتے ہیں ۔
تصاویر کے دکھانے یا نہ دکھانے کے متعلق آپشن
Gmail کا خود کار تنصیبی نظام (Automatic Configuration Setup)
Notes محفوظ کرنے اور ڈاؤن لوڈ کرنے کی سہولیات
Java اور Javascript Console کی سہولت
سسٹم پر کم بوجھ
اس کے علاوہ اور بہت کچھ جو آپ کو اچھا لگے گا

مجھے تو اوپیرا اچھا لگا ہے ۔ آپ بھی اسے ڈاؤن لوڈ کیجیے اور اپنی رائے سے آگاہ کیجیے ۔ کم از کم یہ Internet Explorer اور FireFox سے تو بہتر ہے ۔ فائرفاکس کا شروع شروع میں بہت شہرہ تھا ، مگر اب مجھ پر اس کی اصلیت واضح ہو چکی ہے ۔ اس کے کئی فیچرز IE سے یکسر مختلف ہیں جس کی وجہ سے فائرفاکس کے لیے الگ سے پروگرامنگ کرنی پڑتی ہے ۔ جبکہ اوپیرا کئی معنوں میں انٹرنیٹ ایکسپلورر سے ملتا ہے ۔

اوپیرا

2005-09-21T16:35:00.000-07:00

اوپیرا نے اپنا نیا ورژن آٹھ اعشاریہ پانچ اشتہاری بینر(نشان) کے بغیر فراہم کیا ہے۔عام قیاس یہ ہے کہ اوپیرا نے ایسا اس وجہ سے کیا تا کہ وہ فائرفوکس کا مقابلہ کرسکے مگر اوپیرا کے spoke man ایسا نہیں سمجھتے۔۔۔۔۔۔اوپیرا کے سی ای او کا کہنا ہے کہ اس طرح ان کے موجودہ استعمال کنندہ کی تعداد میں اضافہ ہو گا۔۔اور ساتھ ہی امید رکھتے ہیں کہ یوں یہ براؤزر دنیا کا دوسرا بڑا براؤزر بن جائے گا۔۔۔اس وقت دو سے تین فیصد انٹرنیٹ براؤزر کے شیئر اس کے پاس ہیں(پہلے نمبر پر مائکروسافٹ کا براؤزر ہے)
ماخذ= اوپیرا

بلاگرز ہوشیار باش

2005-09-20T01:46:00.000-07:00

Hacking Blogger

آج کل ایک نیا ٹرینڈ (Trend) آیا ہوا ہے کہ بلاگر کے اکثر صارفین اپنے بلاگ کی پوسٹ کے اندر ہی تبصرہ کرنے کی سہولت ڈال دیتے ہیں ، اس طرح تبصرہ نگار کو الگ صفحہ نہیں کھولنا پڑتا ۔ لیکن یہ صورتِ حال ہیکنگ (Hacking) کے اندیشوں کو بھی فروغ دے رہی ہے ۔ہوتا یوں ہے کہ بلاگرز اپنے بلاگ کی پوسٹ کے ساتھ ہی تبصرہ کرنے کا فارم لگا دیتے ہیں ۔ مگر اس فارم کی معلومات ڈائریکٹ بلاگر کے پاس نہیں جاتیں ۔ جب آپ تبصرہ لکھنے کے بعد نیچے اپنا بلاگر کا یوزر نیم (username) اور پاس ورڈ (password) لکھ کر ارسال (submit) کا بٹن دباتے ہیں تو آپ کا یوزر نیم (username) اور پاس ورڈ (password) پہلے اس "بلاگر کم ہیکر زیادہ" کے پاس جاتے ہیں اور پھر بلاگر کے پاس ۔ تھوڑی دیر بعد آپ کو پیغام موصول ہوتا ہے کہ آپ کا تبصرہ محفوظ ہو گیا ہے ، وہ واقعی محفوظ ہو گیا ہوتا ہے لیکن آپ کی معلومات بھی چوری ہو چکی ہوتی ہیں ، بولو کیسا ؟؟؟

اس مشکل کا مقابلہ کرنے کا ایک طریقہ ہے ۔ وہ یہ کہ جب آپ کسی ایسے in post comment form میں تبصرہ لکھ کر ارسال کرنے لگیں تو پہلے اس ویب پیج (web page) کا سورس کوڈ دیکھ لیجیے اور تسلی کر لیجیے کہ کیا یہ فارم سیدھا بلاگر کے پاس جاتا ہے یا رستے میں کہیں اور کی سیریں بھی کرتا ہے ۔ یہ معلوم کرنے کا آسان سا طریقہ یہ ہے کہ سورس کوڈ کھلنے کے بعد اپنے ورڈ پروسیسر میں (جس میں آپ سورس کوڈ دیکھ رہے ہیں) find کے ذریعے"action" کا لفظ تلاش کریں ۔ جو کہ درج ذیل صورتحال میں ہونا چاہیے ۔

IE Developer Toolbar

2005-09-20T00:15:00.000-07:00

مائکرو سافٹ نے انٹرنیٹ ایکسپورر ڈویلپر ٹول بار (Internet Explorer Developer Toolbar) کا بیٹا (Beta) ورژن جاری کیا ہے ۔ اس کو یہاں سے ڈاؤن لوڈ کیا جا سکتا ہے ۔خصوصیات ::

IE Developer Toolbar ویب صفحات کو سمجھنے اور دیکھنے کے لیے بہت سے اچھے فیچرز مہیا کرتی ہے ، ان میں درج ذیل شامل ہیں ۔

کسی ویب پیج کے document object model کو دیکھیے اور modify کیجیے ۔
کسی ویب پیج پر مطلوبہ عناصر کی تلاش اور انتخاب
انٹرنیٹ ایکسپلورر کی settings میں مزید تبدیلیاں
HTML object class names, ID's, link paths, tab index values, and access keys کو دیکھ سکتے ہیں
HTML, CSS, WAI, and RSS کو validate کیا جاسکتا ہے
image dimensions, file sizes, path information, اور alternate (ALT) text کی فراہمی
براؤزر ونڈو کے ناپ میں کمی یا زیادتی
selectively براؤزر کے کیشے اور کوکیز کا صفایا
ویب پیج کے عناصر کو بالکل درست مقام پر رکھنے کے لیے اضافی سہولیات
اور بہت کچھ

ڈاؤن لوڈ کیجیے
مزید معلومات کے لیے

آفس 12 بی ٹا 1

2005-09-19T18:33:00.000-07:00

مائیکروسافٹ اپنے آفس سافٹ وئیر کا 12 ورژن ونڈوز ویسٹا کے ساتھ ریلیز کرنے کا ارادہ رکھتی ہے۔ اس کے لئے جلد ہی آفس 12 بی ٹا 1 پروگرام شروع ہونے والا ہے۔ اگر آپ آفس کے نئے ورژن کو try کرنا چاہیں گے تو جلدی سے http://beta.microsoft.com پر جائیں اپنے hotmail id سے سائن ان ہوں اور guest id میں PDCOffice لکھ کر ok کا بٹن دبا دیں۔ سروے فارم بھریں اور جیسے ہی آفس کا بی ٹا پروگرام شروع ہوگا آپ کو ای میلے کے ذریعے اطلاع کر دی جائے گی۔
اگر آپ پہلے سے مائیکروسافٹ بی ٹا ٹیسٹر نہیں اور اس سائٹ پر رجسٹر نہیں تو guest id میں پہلے BetaReq لکھ کر Ok کا بٹن دبائیں بی ٹا ٹیسٹر بننے کے لئے دیا گیا سروے فارم بھریں اس کے بعد دوبارہ sign in as guest پر کلک کر کے ڈائیلاگ باکس میں PDCOffice لکھ کر آفس 12 کا سروے فارم بھر لیں۔
اگر آفس 12 کے نئے ورژن کی تصاویر دیکھنی ہوں تو اس لنک پر جائیں۔

نیا worm

2005-09-19T01:45:00.000-07:00

حال ہی میں کمپیوٹر کے بارے میں ایک نئے worm کا پتہ چلا ہے۔ جس کے تحت متاثرہ کمپیوٹر میں گوگل تلاش کے صحفے کو استعمال کرتے ہوئے غلط ربط پر لے جایا جاتا ہے جو بعینہ گوگل کے صحفے سے ملتا ہے لیکن وہاں جو روابط تلاش کے بعد نکلتے ہیں وہ حفاظتی طور پر خطرناک روابط پر لے جاتے ہیں۔

اس worm کی تحقیق کے بعد پتا چلایا گیا ہے کہ یہ ونڈوز کی HOSTS file میں تبدیلیاں کر دیتا ہے جس سے گوگل کے صحفے پر جانے کی کوشش یا اگر آپ غلط ملتی جلتی عبارت جیسے googel.com لکھیں تو آپ کو ایک ایسے ربط پر لے جایا جاتا ہے جو کہ جرمنی سے چلایا جا رہا ہے۔یہ ربط دیکھنے میں بالکل گوگل جیسا ہے اور ١٧ زبانوں کو بھی گوگل کی طرح مدد فراہم کرتا ہے۔
ماہرین کے مطابق اس worm کا مقصد اپنی پسند کے روابط تک لے جانا ہے جو کہ ہیکرز نے تیار کئے ہوئے ہیں۔
بشکریہ : جہانزیب اشرف

ماخذ: Information Week

ونڈوز ویسٹا کے سات ایڈیشنز کا تعارف ( ونڈوز کے گزشتہ ورژنز کے مختصرجائزے کے ساتھ )

2005-09-18T18:52:00.000-07:00

مصنف: محمد شمیل قریشی

دنیا کے سب سے بڑے کمپیوٹر سافٹ ویر بنانے والے ادارے مائیکروسوفٹ نے یہ منصوبہ بنایا ہے کہ وہ اپنے مشہور زمانہ آپریٹینگ سسٹم ونڈوز کے نۓ ورژن ونڈوز ویسٹا ( جس کا خفیہ نام پہلے لانگ ہارن رکھا گیا تھا ) کے سات ایڈیشن پیش کرے گا ۔ وینڈوز ویسٹا کے یہ ایڈیشنز انتہائی عمدہ خواص کے حامل ہونگے ۔
مائیکروسوفٹ ، ونڈوز ویسٹا کے ساتوں ایڈیشنز 2006 ء کی گرمیوں میں پیش کرے گا ۔

ونڈوز کے گزشتہ ورژنز کا مختصرجائزہ

ایک اندازے کے مطابق ونڈوز آپریٹینگ سسٹم دنیا کے 90 فیصد کمپیوٹروں میں نصب ہے ۔ یہی وجہ ہے کہ ونڈوز کا ہرنیا ورژن اپنے عالم گیر اثرات مرتب کرتا ہے ۔ مائیکروسوفٹ کے مطابق ، ونڈوز ویسٹا کمپیوٹر کی دنیا میں ویسا ہی انقلاب برپا کریگا جیسا ونڈوز 95 کی آمد پر ہوا تھا ۔

مائیکروسوفٹ ونڈوز 95 ۔
اس میں کوئی شک نہیں کہ ونڈوز 95نے کمپیوٹر استعمال کرنے والوں کو ایک نئی جہت دی ۔ ونڈوز 95 نے کمپیوٹر صنعت کے سوچنے کے انداز کو یکسر بدل کے رکھ دیا ۔ ونڈوز 95 نے کمپیوٹر کی تاریخ میں پہلی بار انتہائی خوبصورت اور انتہائی آسانی سے سمجھ میں آجانے والے یوزر انٹرفیس سے دنیا کو روشناس کیا ۔ ونڈوز 95 نے ہمیں ڈوس ( ڈسک آپریٹینگ سسٹم ) سے آزادی دی اور ساتھ ہی ڈوس سے ہم آہنگی ( کمپیٹیبیلیٹی ) بھی ۔ یہ چیز ونڈوز 3-1 اور اس کے بعد والے ورژنز میں نہ تھی ۔ ونڈوز 95 ، ڈوس ( ڈسک آپریٹینگ سسٹم ) کے بعد سب سے اعلی آپریٹینگ سسٹم تھا ۔ ونڈوز 95 نے ہمیں فائلوں کے لمبے نام رکھنے کے قابل بنایا ۔ونڈوز 95 نے ایک کمپیوٹر کو یہی خوبصورت یوزر انٹرفیس قائم رکھتے ہوے روسرے کمپیوٹروں سے جڑ جانے کے قابل کیا ۔اس سے ایک کمپیوٹر استعمال کنندہ دوسرے کمپیوٹر کی فائل اور کچھ پرگرامز کو یوں استعمال کر سکتا تھا جیسے اپنے زاتی کمپیوٹر کو استعمال کر رہا ہو ۔ ونڈوز 95 میں موجود پلگ ائینڈ پلے کے نظام نے پہلی بار کمپیوٹر کو اس قابل بنایا کہ وہ خود بہ خود ساونڈ کارڈ ، سی ڈی روم اور دوسرے پرزوں ( ھارڈ ویر ) کو ڈھونڈے اور ان کے سافٹ ویر کو مناسب جگہ پر نصب ( انسٹال ) کر سکے ۔ آپ کمپیوٹر کے سلسلے میں بہت سی چیزوں سے پہلے ہی واقف ہونگے کیونکہ یہ خواص تو آج کے دور کے سب کمپیوٹروں میں موجود ہیں ۔ میں یہاں جرنل نالج کے لیے ان کے لیے لکھ رہا ہوں جو یہ معلوم کرنا چاہتے ہیں کہ آج کے جدید ونڈوز میں ان خواص کی بنیاد کن ورژنز میں کی گئ اور وہ کن کن مراحل سے گزرتے ہوۓ موجودہ شکل تک پہنچے ۔

مائیکروسوفٹ ونڈوز 98 ۔
مائیکروسوفٹ نے جون ، 1998ء میں ونڈوز 98 کو پیش کیا ۔ ونڈوز 98 کو بھی بہت پزیرائی حاصل ہوئی ۔ ناقدین کی راۓ میں ونڈوز 98 کو ونڈوز 95 کے سروس پیک کی شکل میں پیش کیا جانا چاہۓ تھا ۔ونڈوز 98 نے خریداری کے حصاب سے ونڈوز 95 کہیں پیچھے چھوڑ دیا ۔ ونڈوز 98 میں وہ تمام کے تمام مسائل حل کر دیۓ جو ونڈوز 95 پاۓ گۓ تھے ۔ ونڈوز 98 نے انٹرنیٹ کے استعمال کو مزید آسان کر دیا ۔اس کے علاوہ درج زیل خواص شامل کیے گۓ ۔ نۓ سسٹم ٹولز ، فیٹ 32 ، ڈیسک کلین اپ ، ڈیسک ڈی فریگمینٹری ، ڈرایو کنورٹر ( فیٹ 16 کو فیٹ 32 میں بدلنے کا نظام ، جس سے ہارڈ ڈرایو میں میں مزید جگہ پیداہو جاتی تھی ۔انٹرنیٹ کے یہ فوایئد سامنے آۓ ۔ فرنٹ پیج اکسپریس ( آسانی سے ویب سایٹ بنانے کا پرگرام ) ، مایئکروسوفٹ والیٹ ( انٹرنیٹ پر خریداری کرنے کا محفوظ زریعہ ) ، پرسنل ویب سرور ، ریل آڈیو پلیر کی موجودگی ، ویب پبلیشینگ وزرڈ ( ویب پر باآسانی صفہے شایہ کرنے کا نظام ) ، ونڈوز اپ ڈیٹ ( ونڈوز کا مشہور زمانہ خود با خود تازہ خصوصیات حاصل کرنے کا نظام ) ، توانای بچانے اور ہر وقت چالو رہنے کا نظام ، مزید بہتر ڈیسک ٹاپ تھیمز اور سکرین سیورز کی معاوت ( سپورٹ ) ، آن لائن سرویسز کا آسان حصول ، ایک سے زیادہ مانیٹروں بیک وقت استعمال کرنے کا نظام ۔ یہ تمام خصوصیات اس زمانے کے لحاض سے حیران کن تھیں ۔

مائیکروسوفٹ ونڈوز 2000 اور مائیکروسوفٹ ونڈوز ( می ) ۔
نئ صدی کی شروعات پر آپریٹینگ سسٹم ونڈوز 2000 پیش کیا گیا ۔اس کو کاروباری حلقوں نے اس کے زیادہ مستحکم ہونے کے سبب بہت سراہا ۔
مائیکروسوفٹ نے ایسی سال گھریلو صاریفین کے لیے ونڈوز ( می ) تیار کیا ۔ اس بات کو زہن میں رکھتے ہوے کہ اب دوبارہ ونڈوز 98 جیسا حشر ونڈوز ( می ) کے ساتھ نہ ہو درجزیل خواص پیش کئے گیے۔ بینظیر ہارڈویر اور سوفٹ ویر ہم آہنگی ( کمپیٹیبیلیٹی ) ، سسٹم ریسٹور ، بیتر مدد اور معاونت ، آٹو اپڈیٹ اور نیا اور مزید خوبصورت یوزر انٹرفیز ۔ لیکن پھر بھی بہت سے افراد نے اس کے مقابلے میں ونڈوز 2000 اور ونڈوز 98 کو ترجیح دی ۔

مائیکروسوفٹ ونڈوز ( ایکس پی پروفیشنل ایڈیشن ) ۔
مائیکروسوفٹ کامشہور زمانہ آپریٹینگ سسٹم ونڈوز ( ایکس پی ) 2001 میں منظرعام پر آیا تھا۔ اس کو دو عام اقسام میں تقسیم کیا گیا تھا۔ پہلا اور خاص ایڈیشن ونڈوز ( ایکس پی پروفیشنل ایڈیشن ) تھا ۔ یہ ونڈوز کا انتہائی مستحکم اور اصل ایڈیشن تھا ۔ مستحکم اس طرح کہ ایپلیکیشن کے کریش ہونے پر پورا آپریٹینگ سسٹم متاثر نہیں ہوتا تھا ۔ اس کو خاص طور پر دفاتر میں استمال کرنے کی غرض سے بنایا گیا تھا ۔ ونڈوز (ایکس پی پروفیشنل ایڈیشن ) دراصل ونڈوز 2000 کا ارتقائی جانشین تھا ۔ کہا جاتا ہے کہ ونڈوز (ایکس پی پروفیشنل ایڈیشن ) نے ونڈوز 98 سے بہتر سے بہتر کمپیوٹر کھیلیں کھیلنے کی استطاعت حاصل کی اور ویڈوز 2000 سے مستحکم اور قابل انتظام کرنیل حاصل کیا ۔ اس میں نیا فائل سسٹم ( این ٹی ایف ایس ) بھی پیش کیا گیا ۔ یہ فائل سسٹم کمپیوٹر پر موجود فائلوں کے استعمال کو مزید صحیح طرح سے نبٹاتا ہے اور ان تک بہتر رسائی رکھتا ہے ۔ ونڈوز ( ایکس پی پروفیشنل ایڈیشن ) کی بدولت دنیا نے آخر کار قدیم ڈوس والے ڈسک آپریٹینگ سسٹم سے چھٹکارا حاصل کیا ۔ ونڈوز ایکس پی نے یونی کوڈ کو بہتر طرح سے اپنایا ۔ جس سے اردو جیسی پیچیدہ فونٹس رکھنے والی زبانوں نے بھی انفارمیشن ٹیکنالوجی میں فروغ حاصل کیا ۔
مائیکروسوفٹ ونڈوز ( ایکس پی ھوم ایڈیشن ) ۔نۓ ونڈوز کا دوسرا ایڈیشن ونڈوز ( ایکس پی ھوم ایڈیشن ) تھا ۔ جو اسم بامسمّی تھا ۔ یعنی گھریلو استعمال کے لیۓ ۔ یہ ونڈوز ( ایکس پی پروفیشنل ایڈیشن ) کا ہلکا ایڈیشن تھا ۔ اس میں سے ونڈوز (ایکس پی پروفیشنل ایڈیشن ) کے بیشتر آہم خواص ختم کر دے گۓ تھے ۔ یہی وجہ ہے کہ اسے ونڈوز ( ایکس پی پروفیشنل ایڈیشن ) سے آدھی قیمت پر فروخت کیا گیا ۔ لیکن دنیا نے ونڈوز ( ایکس پی ھوم ایڈیشن ) کوقبول نہیں کیا اور کمپیوٹر سے متعلق بڑے بڑے رسالوں نے اپنے تنقیدی مضامین میں قائرین کو ونڈوز ( ایکس پی ہوم ایڈیشن ) نہ خریدنے کا مشورہ دیا ۔
مائیکروسوفٹ ونڈوز ( ایکس پی میڈیا سینٹر ایڈیشن )
بعد میں ونڈوز ( ایکس پی ھوم ایڈیشن ) کی عالمی سطح پر ناکامی پر خفت مٹانے کی غرض سے مائیکروسوفٹ نے ونڈوز ( ایکس پی میڈیا سینٹر ایڈیشن ) پیش کیا ۔ یہ ونڈوز ( ایکس پی پروفیشنل ایڈیشن ) کا جانشین تھا ۔ لیکن گھریلوسطح پر پزیرائی حاصل کرنے کے لیے اس میں مزید ایسے خواص جمع کیے گۓ جو گھریلو کمپیوٹر استعمال کنندگان کو پسند تھے ۔ یہ دنیا کا پہلا گھریلو آپریٹینگ سسٹم تھا جس کو محض ایک ریموٹ کنٹرولر کے زریعے بھی استعمال کیا جا سکتا تھا ۔ اس سے گھر کے باقی ماندہ آلات بھی جوڑے جا سکتے تھے ۔ جیسے نام ے ظاہر ہے ، اس میں ڈیجیٹل تفریح طبع کے تمام ذرائع یک جا کر دۓ گیے ۔ یہ ایڈیشن انتہائی طاقتور کمپیوٹر استعمال کنندگان ، ڈیجیٹل تفریح طبع کی ٹیکنالوجی پر اثرانداز ہونے والے افراد ، کمپیوٹر کھیلیں کھیلنے والے افراد ، ڈیجیٹل تفریح میں گہری دلچسپی لینے والوں نے بہت سراہا ۔

لیکن ونڈوز ( ایکس پی میڈیا سینٹر ایڈیشن ) ، صرف خصوصی آلات سے نصب شدہ کمپیوٹر ہی سے صد فیصد فائدہ اٹھا سکتا تھا ۔ لیکن خصوصی آلات سے نصب شدہ کمپیوٹروں کی قیمتیں آسمان سے باتیں کرتی تھیں ۔ ایسی لیے اس طرح کے کمپیوٹرز مغربی دنیا کے صرف ان ہی گھرانوں کی زینت بنے جہاں دولت کی کچھ زیادہ ہی ریل پیل تھی ۔ نتیجے کے طور پر ونڈوز ( ایکس پی میڈیا سینٹر ایڈیشن ) کی زیادہ خریداری نہیں ہوئی اور زیادہ تر لوگوں نے ونڈوز ( ایکس پی پروفیشنل ایڈیشن ) پر ہی اکتفا کیا ۔
ونڈوز ویسٹا کی اقسام اور ان کے خواص ۔
ونڈوز ویسٹا کے عموماّّ دو قسم کے ایڈیشن ہونگے ۔ یہ تقسیم سطحی طور پر تو ویسے ہوگی جیسے آج کل کے ونڈوز (ایکس پی ) میں پائی جاتي ہے ۔ فرق صرف اتنا ہوگا کہ ان دو عام ایڈیشنز ( یعنی ھوم اور پروفیشنل ) کو بھی مزید تین تین اقسام میں بانٹا جاۓ گا ۔ ہر قسم اپنے خاص خواص رکھے گی ۔ان اقسام کے نام اور ان میں پائے جانے والے خواص مندرجہ زیل ہیں ۔

عام گھریلو استعمال کے لیے تین ایڈیشن تیار کیے جائینگے ۔ 1 ۔ ونڈوز ویسٹا ( سٹاٹر ایڈیشن ) ۔
یہ ایڈیشن انتہائي کم قیمت کمپیٹروں کے لیے بنایا گیا ہے ۔ یہ ایڈیشن صرف 32 بٹ ورژن ہوگا ۔ یعنی اس کو صرف 32 بٹ طرز تعمیر رکھنے والے کمپیوٹر ہی چلا پائینگے ۔ اس میں بیک وقت صرف تین ایپلیکیشنز یا تین کھڑکیاں ہی کھل پائینگیں ۔ ونڈوز ویسٹا ( سٹاٹر ایڈیشن ) میں ایسے بہت سے آہم اور اعلی خواص موجور نہیں ہوں گے جوونڈوز ویسٹا کے باقی کے ارکان کو موجودہ ونڈوز سے ممتاز کرتے ہیں ۔
2 ۔ونڈوز ویسٹا ( ھوم بیسک ایڈیشن ) ۔
یہ ایڈیشن ان گھرانوں کے لیے ہوگا جو اچھی قسم کا کمبیٹر تو خرید سکتے پر زیادہ قیمتی نہیں ۔ اس میں ونڈوز فائر وال؛ ونڈو کا خود حفاظتی نظام ؛ بنا تار کے دوسرے کمپیوٹروں سے محفوظ تعلق قائم کرنے کا نظام ۔ کمپیوٹر پر پدری نظم و نسق ( پیرینٹل کنٹرول ) کا نظام ؛ ونڈوز کا زاتی طور پر وائرس سے بچاو یا ختم کرنے؛ زبردستی مسلط شدہ خطوط سے چھٹکارہ حاصل کرنے اور جاسوسی پرگراموں کو پکڑنے یا ختم کرنے کہ نظام موجود ہو گا ۔ آر ایس ایس کی معاونت موجود ہوگی اور پی ٹو پی میسنجر بھی ہو گا ۔ یہ ایڈیشن/64 / 32 بٹ دونوں ورژنوں موجود ہوگا ۔ یعنی اس کو 64 اور 32 بٹ دونوں طرح کی طرز تعمیر رکھنے والے کمپیوٹر چلا پائینگے ۔ ونڈوز کے اس آپریٹینگ سسٹم کو ایک یا دو پروسیسرز بیک وقت استعمال کر سکیں گے ۔ونڈوز کے اس آپریٹینگ سسٹم کو ایک وقت میں ایک ہی پروسیسراستعمال کر سکے گا ۔
3 ۔ونڈوز ویسٹا ( ھوم پریمیم ایڈیشن ) ۔
ونڈوز کا یہ ایڈیشن ونڈوز ( ایکس پی میڈیا سنٹر ایڈیشن ) کا جانشین ہوگا ۔ اس ایڈیشن میں ونڈوز ویسٹا کی تقریباّّ تمام اہم انفرادی خصوصیات پائی جائینگیں ۔ اس میں اوپر بیان کردہ ونڈوز ایڈیشنوں کی خصوصیات جمع ہونگیں اور مندرجہ زیل اضافی خصوصیات پائی جائینگی ۔ اس میں ذاتی طور پر کیبل کارڈ معاونت ( سپورٹ ) کا نظام ؛ ڈی وی ڈی کی وڈیو بنانے کی معاونت ( سپورٹ ) کا نظام ؛ ڈی وی ڈی کی نقل تیار کرنے کی معاونت کا نظام ؛ آسانی سے حرکت پذیری ( موبیلیٹی ) اور اس سے منسلک لامحدود خصوصیات میں معاونت کا نظام موجود ہوگا ۔ جیسے خود بہ خود دوسرے آلات سے بغیر کسی تار کے تعلق قائم کرنا ۔ یہ ونڈوز ویسٹا خاندان کا پہلا رکن ہو گا جس میں ایرو یوزر انٹرفیس اپنایا جاۓ گا ۔ ایرو ، ونڈوز کو استعمال کرنے کا نیا نظام ہے ۔ جس سے ونڈوز کے ظاہری نقش و نگار اور زیادہ پرکشش ہو جائیں گے ۔ اور ہاتھ کے ہاتھ ونڈوز میں برق رفتاری بھی پیدا ہوگی ۔ یہ ایڈیشن/64 / 32 بٹ دونوں ورژنوں میں موجود ہوگا ۔ یعنی اس کو 64 اور 32 بٹ دونوں طرح کی طرز تعمیر رکھنے والے کمپیوٹر چلا پائینگے ۔ ونڈوز کے اس آپریٹینگ سسٹم کو ایک یا دو پروسیسرز بیک وقت استعمال کر سکیں گے ۔

عام کاروباری استعمال کے لیے ونڈوز ویسٹا کے تین ایڈیشن تیار کیے جایں گے ۔

4 ۔ونڈوز ویسٹا ( پروفیشنل ایڈیشن ) ۔
کے ونڈوز ( ایکس پی پروفیشنل ) کا جانشین ہوگا ۔ اس میں پہلے بیان کردہ ایڈیشنز کی لگ بھگ تمام خصوصیات موجود ہونگیں ۔ یہ وینڈوز کا ایک بہت طاقتور ، نہایت قابل اعتماد اور محفوظ ایڈیشن ہوگا ۔ یہ تاجر برادری اور ہر قسم کے چھوٹے بڑے کاروبار کو زہن میں رکھ کے بنایا جاے گا جس کا تعلق کسی نا کسی طرح سے انفارمیشن ٹیکنالوجی سے ہے ۔ اس میں انٹرنیٹ ڈومین سے خود با خود جا ملنے اور روسری انتظامی خصوصیات ہونگیں ۔ اس میں انٹرنیٹ کے ایسے پروٹوکولز کے ساتھ ہم آہنگی بھی پائی جاۓ گی جن کا تعلق ماکروسافٹ سے نہیں ہے ۔ اس کے علاوہ اس میں مزید ایسی خصوصیات شامل ہؤنگیں جن سے دور بیٹھے کاروباری افرار کو اپنے دفاتر اور کاروبار کو چلانے میں مدد ملے گی ۔ یہ ایڈیشن/64 / 32 بٹ دونوں ورزنوں موجود ہوگا ۔ یعنی اس کو 64 اور 32 بٹ رونوں طرح کی طرز تعمیر رکھنے والے کمپیوٹر چلا پائنگے ۔ ونڈوز کے اس آپریٹینگ سسٹم کو ایک یا دو پروسیسرز بیک وقت استعمال کر سکیں گے ۔

5 ۔ونڈوز ویسٹا ( سمال بزنس ایڈیشن ) ۔
یہ ایڈیشن ان کاروباری اداروں کے لیے ہوگا جن کوانفارمیشن ٹیکنالوجی سے متعلق عملے کی ضرورت نہ ہو ۔ یہ ایڈیشن ونڈوز ویسٹا کے پروفیشنل ایڈیشن سے بھی عمدہ ہوگا ۔ یہ اپنے ہی انفرادی خواص رکھے گا ۔ جیسے بیک اپ اور فائلوں یا پرگراموں کی پرچھائی تیار کرکےاسے علحیدہ سے استعمال میں لانے کا نظام ۔ پی سی فیکس اور پی سی کو تقتطیع ( سکین کرنے ) کا نظام ۔مائیکروسوفٹ اس کے علاوہ بھی اس میں بہت سے نئے خواص ڈالنا چاہتا ہے ۔ اس کے علاوہ اس میں گائیڈیڈ ٹوور ہوگا اور ایسی براہ راست سروسز مہیا کی جائینگی جن کے حصول کے لیے استمال کنندہ ، ادارے کو پہلے ہی سے رقم فراہم کرے گا ۔ اس میں ایک سے زیادہ کمپیوٹروں کی صحت قائم رکھنے کا نظام ( جس کو ونڈوز ون کیر کا نام دیا گیا ہے ) ونڈوز کا ذاتی طور پر وائرس سے بچاؤ یا ختم کرنے؛ زبردستی مسلط شدہ خطوط سے چھٹکارہ حاصل کرنے اور جاسوسی پرگراموں کو پکڑنے یا ختم کرنے کی خصوصیات لیے ہوۓ ہوگا ۔ اس ونڈوز کے استعمال کنندہ کو مائیکروسوفٹ انفرادی مدد فراہم کرے گا ۔ اس ونڈوز کے ممبران کو کم قیمت میں اونچے درجے کے ونڈوز ایڈیشن خریدنے کی اجا زت ہو گی ۔ یہ ایڈیشن/64 / 32 بٹ دونوں ورژنوں میں موجود ہوگا ۔ یعنی اس کو 64 اور 32 بٹ دونوں طرح کی طرز تعمیر رکھنے والے کمپیوٹر چلا پائینگے ۔ ونڈوز کے اس آپریٹینگ سسٹم کو ایک یا دو پروسیسرز بیک وقت استعمال کر سکیں گے ۔

6۔ونڈوز ویسٹا ( انٹرپرائز ایڈیشن ) ۔
ضخیم انٹرپرائزز استعمال کریں گی جن کا کاروبار اس دنیا کے طول وعرض میں پھیلا ہوا ہے ۔یہ ایڈیشن ونڈوز ویسٹا کے پروفیشنل ایڈیشن سے عمدہ ہوگا ۔ اس کی خاص خوبی یہ ہوگی کہ اس کے زریعے کسی ایک فائل یا پرگرام کی پرچھائی تیار کرکےاسے بیک وقت مختلف خطؤں میں موجود افراد اپنی اپنی زبان اور اپنے اپنے انداز سے استعمال کر سکیں گے ۔ یہ ایک انتہائی پیچیدہ نظام ہو گا ۔ ونڈوز کا یہ ایڈیشن اس کام کو خوش اصلوبی سے سر انجام دیگا ۔ اس خاصیت کے فوائد عالم گیر ہوں گے ۔ یہ ایڈیشن/64 / 32 بٹ دونوں ورژنوں میں موجود ہوگا ۔ یعنی اس کو 64 اور 32 بٹ دونوں طرح کی طرز تعمیر رکھنے والے کمپیوٹر چلا پائینگے ۔ یہ ایڈیشن اپنے خواص کی بدولت ونڈوز کے باقی تمام اراکین سے ممتاز رہے گا ۔ ونڈوز کے اس آپریٹینگ سسٹم کو ایک یا دو پروسیسرز بیک وقت استعمال کر سکیں گے ۔
7 ۔ونڈوز ویسٹا ( الٹیمیٹ ایڈیشن ) ۔
مائیکروسوفٹ کی جانب سے کبھی بھی پیش کیے جانے والے بہتر ایڈیشنز سے بہترین ہو گا ۔ اس کے بارے میں یہ کہنا بجا ہو گا کہ نہ کسی کان نے سنا، نہ کسی آنکھ نے دیکھا اور نہ کسی دل میں اس کی خواہش پیدا ہوئی ۔ اس میں ونڈوز ویسٹا ( ھوم پریمیم ایڈیشن ) اور ونڈوز ویسٹا ( پروفیشنل ایڈیشن ) کی خصوصیات بدرجہ اتم موبود ہونگیں ۔اس میں مندرجہ زیل خواص موجود ہونگے ۔ کمپیوٹر کھیلوں کی کارکردگی کو مزید بہتر بنانے کا نظام ۔ پوڈکاسٹ کرنے کی نئ یوٹیلیٹی ۔ لامحدود موسیقی اور فلمیں وصول ( ڈا‎‎ؤن لوڈ ) کرنے کی اجازت ۔ اور ایسی طرح کی انفرادی سرویسز ۔ انٹرنیٹ پر سپوٹ لائٹ ، تفریہی سوفٹ ویرز اور لامحدود ایسی تھیمز جن کو زاتی پسند نا پسند کے تحت بدلا جا سکے ، وصول ( ڈا‎‎ؤن لوڈ ) کرنے کی اجازت ۔ یہ ایڈیشن انتہائی طاقتور کمپیوٹر استعمال کنندگان ، ٹیکنالوجی پر اثرانداز ہونے والے افراد ، کمپیوٹر کھیلیں کھیلنے والے افراد ، ڈیجیٹل تفریح میں گہری دلچسپی لینے والوں اور طلباء کی ضروریات کو نظر میں رکھتے ہوۓ تشکیل دیا گیا ہے ۔ یہ ایڈیشن/64 / 32 بٹ دونوں ورژنوں میں موجود ہوگا ۔ یعنی اس کو 64 اور 32 بٹ دونوں طرح کی طرز تعمیر رکھنے والے کمپیوٹر چلا پائینگے ۔ ونڈوز کے اس آپریٹینگ سسٹم کو ایک یا دو پروسیسرز بیک وقت استعمال کر سکیں گے ۔
این ایڈیشنز ۔
آخرکار مائیکروسوفٹ این ایڈیشنز کے نام سے آپریٹینگ سسٹمز کے کئی ایک ارکان بھی تیار کرے گا جو یورپی منڈیوں میں لاگو اینٹی ٹرسٹ قانون کے عین متابق ہوں گے ۔ ان آپریٹینگ سسٹمز میں ونڈوز میڈیا پلیر اور ڈیجیٹل تفریحی پرگرام موجود نہیں ہوں گے ۔

ونڈوز ویسٹا کےخوشگوار استعمال کے لیے کمپیوٹر کے پرزوں کی کم از کم ماہیت ۔
مائیکروسوفٹ نے ابھی تک یہ بیان نہیں دیا کہ ونڈوز ویسٹا کے استعمال کے لیے کمپیوٹر کے عاہم پرزوں کی کم از کم ماہیت کیا ہوگی ۔ اس سلسلے میں اتنا کہا گیا ہے کہ 2005 ء میں خریدے گیے اکثر کمپیوٹر ونڈوز ویسٹا کےخوشگوار استعمال کے کابل ہوں گے ۔ اس طرح کمپیوٹر کے عاہم پرزوں کی کم از کم ماہیت کی سلسلے میں مندرجہ زیل حقائق سامنے آتے ہیں ۔
پروسیسر کی رفتار = 3 گیگاہٹز ( 3000 میگا ہٹز ) یعنی intel کے 350 نمبر رکھنے والے پروسیسرز جن کی مزید تکنیکی ماہیت یہ ہے
( front side bus = 800 1mb cachae )
ریم ( RAM ) ‏ کی مقدار = 512 میگا بائٹ
screen resolution یا بصری تہریک = 1024 تا 768 پکسلز
تنصیب کے لیے کم سے کم جگہ = 3 گیگابائٹ ( 3000 میگا بائٹ )
مانیٹر کی کم از کم جسامت = 17 اینچ
ایک اچھی نسل کا ویڈیو کارڈ = N.Vidia GTX 6600

xxx. ڈومین

2005-09-18T00:37:00.000-07:00

ICANN نے فحش مواد کے لیے xxx. ڈومین جاری کرنے کا منصوبہ مؤخر کر دیا ہے ۔ویب پر red-light district قائم کرنے کا یہ منصوبہ سیاست اور قدامت پسندوں کی وجہ سے معطل ہو گیا ہے ۔ ان کا خیال ہے کہ اس طرح ویب پر فحش مواد کی فراہمی میں زیادتی ہو جائے گی ۔ جبکہ ICANN کے مطابق یہ آئیڈیا زبردست ہے ۔ اس طرح ویب پر موجود $12billion مالیت کی فحشصنعت کو آسانی سے بندے کا پتر بنایا جا سکے گا ۔ نیز یہ کہ اس طرح xxx. ڈومین والی ویب سائٹوں کو بآسانی اپنے کمپیوٹر سے دور رکھا جا سکے گا ۔ ابھی ہم کسی ویب سائٹ کے ایڈریس سے اس کے مواد کے بارے میں نہیں جان سکتے ۔ لیکن xxx. ڈومین بننے کے بعد ہم بآسانی گند کو اپنے کمپیوٹر سے دور رکھ سکیں گے ۔

وسٹا (Vista) کا پیش منظر

2005-09-17T06:15:00.000-07:00

مائکروسافٹ (Microsoft) کے چیئر مین بل گیٹس (Bill Gates) نے سافٹ ویئر ڈویلپرز کے لیے ونڈوز (Windows) کے نئے ورژن وسٹا (Vista) کا پیش منظر دکھایا ہے ۔ ان کا کہنا ہے کہ انہوں نے جن فیچرز کی نمائش کی ہے وہ ذاتی کمپیوٹر (personal computer) کے استعمال میں جدت لائیں گے ۔واضح رہے کہ Windows Vista کو اگلے سال ریلیز ہونا ہے اور اس بات پر ڈویلپرز کافی چیں بہ جبیں ہو رہے ہیں کہ اس کی فراہمی میں اتنی تاخیر کیوں کی جارہی ہے ۔ جبکہ مائکروسافٹ کا کہنا ہے کہ یہ تاخیر ونڈوز میں جدید سہولیات ڈالنے کی وجہ سے ہے ۔

ونڈوز وسٹا میں پیش کی جانے والی سہولیات میں درج ذیل شامل ہیں
ڈیسک ٹاپ پر چلنے والی RSS-enabled feeds کی سہولت
ویب لنکس، فائلوں اور فولڈرز کی تلاش (Search) میں بہتری اور تیز رفتاری
انٹرنیٹ ایکسپلورر 7 (Internet Explorer (IE) 7.0) کی ریلیز ۔ IE 7.0 کے فیچرز میں Tabs اور خودکار نظام کے تحت فیڈز کی تلاش اور حفاظت شامل ہیں ۔

اس کے علاوہ مائکروسافٹ کے مقبول کاروباری پروگرام Office کے نئے ایڈیشن Microsoft Office 12 میں بھی ڈرامائی تبدیلیاں لائی جا رہی ہیں ۔ کہا جارہا ہے کہ آفس کا نیا ورژن 95 کے ورژن سے یکساں مختلف ہوگا اور اس میں جدید سہولیات فراہم کی جائیں گی ۔

توشیبا فیول سیل ایم پی تھری پلیر

2005-09-16T15:03:00.000-07:00

توشیبا نے فیول سیل سے چلنے والے ایم پی تھری پلیر کی تیاری کا اعلان کر دیا ہے جو کہ ایک دفعہ چارج کرنے پر ساٹھ گھنٹے آپ کو پسندیدہ گانے سنا سکتا ہے۔اسکا سائز ایک سگریٹ کی ڈبی سے کچھ بڑا ہے۔ اور يہ مختلف رنگوں اور ماڈلز میں دستیاب ہوگا۔ ان میں تین اعشاريہ پانچ سے دس ملی لیٹر تک میتھا نول فیول بھرنے سے يہ ساٹھ گھنٹے تک آپ کو بہلا سکتے ہیں۔
فیول سیل دراصل نئی دريافت ہے۔ جلنے والے ایندھن جیسا کہ ادھر میتھا نول [مائع قدرتی گیس] کا ذکر آيا ہے کے ذريعے بجلی پیدا کی جاتی ہے۔ اور اس ٹيکنالوجی کا استعمال موبائيل فونز میں بھی کيا جا رہا ہے۔

ڈیسک ٹاپ تھیم Luna Element

2005-09-16T02:19:00.000-07:00

ڈاؤن لوڈ کیجیے
ہدایات :دیے گئیے ربط (Link) پر کلک کر کے فائل ڈاؤن لوڈ کیجیے

اس فائل کے اجزا کو C:\WINDOWS\Resources\Themes میں extract کیجیے

ڈیسک ٹاپ پر دائیں کلک کیجیے ۔

ڈائیلاگ باکس سامنے آنے پر Themes کی ٹیب میں نیچے آپ تھیمز کی فہرست دیکھ سکیں گے ۔

اس میں سے Luna Element کو منتخب کیجیے

اگر اس فہرست میں Luna Element موجود نہیں ہے تو فہرست کے آخر میں Browse پر کلک کیجیے اور اوپر دی گئی لوکیش کھولیے ۔ اس میں سے Luna Element منتخب کیجیے

اب Apply کرنے کے بعد OK کر دیجیے ۔

Dekstop Theme Luna Element انسٹال ہو جائے گا

اردو کے کار آمد لنکس

2005-09-15T19:42:00.000-07:00

آن لائین قران مجید اردو اور انگلش ترجمہ کے ساتھ

آن لائین اردو ڈکشنری اردو ادب

اردو شاعری

اردو کا نشہ

اردو کے لنکس

گوگل کی بلاگ سرچ

2005-09-15T00:09:00.000-07:00

کل صبح گوگل نے ایک نئ سرچ سروس بلاگ سرچ (search) شروع کرنے کا اعلان کیا ہے ۔ بقولِ گوگل ، یہ سرچ سروس بلاگز اور بلاگز کے مواد کو تلاش (search) کرنے میں مدد گار ثابت ہوگی ۔ اس سروس میں دنیا بھر کے بلاگز سے مواد شامل کیا گیا ہے ، اور اس میں نہ صرف بلاگر کے بلکہ دوسری بلاگ سروس فراہم کرنے والے اداروں پر بنائےجانے والے بلاگ بھی شامل ہیں ۔بلاگ ایک آن لائن ڈائری ہوتی ہے جسے آپ ویب سائٹ بھی کہ سکتے ہیں ۔ دنیا بھر میں ہزاروں افراد بلاگ کو اپنے خیالات ظاہر کرنے کے لیے استعمال کرتے ہیں ۔ آپ بھی بلاگر پر اپنا بلاگ بنا سکتے ہیں ۔

ژریعہ : گوگل

بشکریہ : شعیب صفدر

یاہو! میل اپ گریڈ

2005-09-14T23:57:00.000-07:00

مقبول ای میل سروس Yahoo Mail فراہم کرنے والے ادارے .Yahoo Inc نے اعلان کیا ہے کہ وہ Yahoo Mail کو بہتر اور تیز تر بنانے کے لیے اپ گریڈ (upgrade) کر رہا ہے ۔ یاہو میل کا نیا ورژن موجودہ ورژن کی طرح براؤزر میں ہی کھلے گا مگر یاہو نے وقت کو مختصر کرنے کے نئے طریقے بنائے ہیں جن کی وجہ سے یاہو کا ویب ای میل پروگرام Desktop پروگرامز کی سی تیز رفتاری سے کھلے گا ۔نئے انٹر فیس (Interface) میں آپ کو تازہ ترین ای میل چیک کرنے کے لیے براؤزر ونڈو کو بار بار ریفریش نہیں کرنا پڑے گا بلکہ یہ عمل خود بخود سرانجام پائے گا ، جیسا کہ ڈیسک ٹاپ ای میل کلائینٹس اور جی میل (Gmail) میں ہوتا ہے ۔ یہ بیان Outpost کے بانی اور Yahoo کے پراڈکٹ مینیجر Ethan Diamond نے جاری کیا ، واضح رہے کہ Outpost نے یاہو میل کے اپ گریڈ میں استعمال ہونے والی underlying technology ٹیکنالوجی فراہم کی ہے ۔

Yahoo Mail کا نیا ورژن آنے والے چند مہینوں میں دستیاب ہوگا ۔ اس میں کی بورڈ شارٹ کٹس اور اور ایڈریسز مکمل کرنے کا خود کار نظام (auto-complete) موجود ہوگا ۔ نیا ورژن انٹرنیٹ ایکسپلورر (Microsoft Internet Explorer) اور فائر فاکس (Firefox) پر کام کر سکے گا ۔

مزید معلومات کے لیے http://whatsnew.mail.yahoo.com دیکھیے ۔

ذریعہ : رائٹرز ۔ Reuters

فیڈ ریڈر میں اردو تحریریں

2005-09-14T08:45:00.000-07:00

Urdu Blog and Feed Reader

دیکھا گیا ہے کہ اردو بلاگر اپنے بلاگ میں جب تحریریں شائع کرتے ہیں تو feed کا خیال نہیں رکھتے ۔ عموماً ہوتا یوں ہے کہ صرف بلاگ کے ٹیمپلیٹ میں default فونٹ منتخب کر دیا جاتا ہے اور تحریر ارسال (post) کرتے وقت کوئی فونٹ منتخب نہیں کیا جاتا ۔ ارسال (post) ہونے کے بعد بلاگ پر خود بخود تحریر مناسب فونٹ کے تحت نظر آتی ہے ۔ لیکن مشکل RSS یا Atom فیڈ پڑھنے والوں کو ہوتی ہے ۔ کیونکہ فیڈ میں اردو فونٹ منتخب نہیں ہوتا اور text کی سمت بھی متعین نہیں ہوتی اس لیے تحریر چوں چوں کا مربہ بن جاتی ہے ۔اردو بلاگرز سے التماس ہے کہ اپنی اردو تحریریں ارسال (post) کرتے وقت مناسب فونٹ اور سمت متعین فرما دیا کیجیے تاکہ feed readers کو زحمت نہ اٹھانی پڑے ۔ ذیل میں ایک عدد HTML کوڈ دگیا ہے ، اسے استعمال کرکے آپ اپنے قارئین کو زحمت سے بچا سکتے ہیں ۔

<div style="font-family:Urdu Naskh Asiatype,Nafees Web Naskh,Tahoma,Arial Unicode MS;text-align:right;" dir="rtl">Paste or Write Your Urdu Text Here</div> <p>

نیپال میں شعبہ اردو بند

2005-09-14T00:16:00.000-07:00

حکومت پاکستان کی عدم دلچسپی اور اردو زبان کے استاد فراہم نہ کئے جانے کے باعث تری بھون یونیورسٹی میں اردو کا شعبہ گزشتہ چار سال سے بند ہے جس کے باعث نیپالی مسلمانوں نے بھارتی حکومت کی طرف رجوع کرنے کا فیصلہ کر لیا ہے ۔20 سال قبل اردو زبان کے فروغ کے لئے پاکستان نے نیپال کی تری بھون یونیورسٹی کے انٹرنیشنل لینگویجز سینٹر میں اردو اور پاکستان اسٹڈیز چیئر قائم کی تھی، بعدازاں پنجاب یونیورسٹی کی پروفیسر طاہرہ نگہت کو چیئر کا سربراہ بنا کر بھیجا گیا جن کی کوششوں سے نیپال میں اردو کو فروغ حاصل ہوا اور اردو کی تدریس کو انٹر کی سطح سے بڑھا کر بی اے تک کر دیا گیا اور چیئر کا درجہ بڑھا کر اسے شعبہ بنا دیا گیا ۔ 20 سال قبل جب یہاں اردو کی تدریس شروع ہوئی تو نیپالی طلبہ کو راغب کرنے کے لئے 300 روپے ماہانہ نیپالی اسکالر شپ دینے کا سلسلہ شروع ہوا جس کی وجہ سے نہ صرف نیپالی مسلمان بلکہ ہندو اور بدھسٹ افراد نے بھی داخلہ لیا، 1997ء میں پروفیسر طاہرہ واپس پاکستان چلی گئیں جس کے بعد پاکستان نے ڈاکٹر عبدالرؤف کو نیپال بھیجا، ڈاکٹر عبدالرؤف نے نیپال میں اردو کے شعبے کی ترقی کے لئے نیپالی مسلمانوں پر مشتمل ایک سبجیکٹ کمیٹی تشکیل دی جس میں محمد زاہد پرویز، حبیب اللہ، محمد ہارون انصاری، ابوالیعث، محمد شعیب آزاد، محمد ولی اللہ اور معظم رضا شاہ شامل تھے ۔ مئی 2001ء میں ڈاکٹر عبدالرؤف کی مدت پوری ہوئی اور وہ پاکستان چلے گئے جس کے بعد سے تاحال پاکستان کی جانب سے کسی ٹیچر کا تقرر نہیں ہوا اور تری بھون یونیورسٹی میں اردو کا شعبہ بند ہے ۔

یونیورسٹی کی فیکلٹی آف ہیومنٹیز کے ایڈمنسٹریٹو آفیسر مہادیو کوئرالا جو بھارتی اداکارہ منیشاء کوئرالا کے فرسٹ کزن ہیں' نے بتایا کہ اردو کا شعبہ فیکلٹی آف ہیومنٹیز کے تحت آتا ہے، نیپالی عوام اردو زبان اور پاکستان کو پسند کرتے ہیں، اردو کا فروغ ڈاکٹر طاہرہ نگہت اور ان کے شوہر نیرّ ندیم کی وجہ سے ہوا ۔ نیرّ ندیم اردو کے ساتھ ساتھ نیپالی زبان میں بھی شاعری کرتے تھے جبکہ وہ اردو شاعری کا نیپالی میں ترجمہ کرتے تھے جس کی وجہ سے وہ عوامی حلقوں میں بہت پسند کئے جاتے تھے ۔ طاہرہ نگہت کے دور میں 25 سے 30 طالبعلم اردو پڑھنے کے لئے آتے تھے لیکن ان کے جانے کے بعد کچھ کمی ہوئی اور ڈاکٹر عبدالرؤف کے دور میں 15 سے 20 طالبعلم رہ گئے ۔ ڈاکٹر عبدالرؤف کے جانے کے بعد ان کی جگہ ابھی تک کوئی نہیں آیا جس کی اطلاع ہم نے پاکستانی ہائی کمیشن کو کر دی لیکن انہوں نے کچھ زیادہ دلچسپی نہیں لی ۔ بعدازاں انہوں نے بایوڈیٹا کے ساتھ 3 نام ہمیں بھیجے جن میں ڈاکٹر ایاز محمود ایسوسی ایٹ پروفیسر ملتان یونیورسٹی شعبہ سیاسیات، ڈائریکٹر جنرل اردو سائنس بورڈ خالد اقبال اور پنجاب یونیورسٹی لاہور کے اسسٹنٹ پروفیسر اورنگزیب عالمگیر شامل ہیں۔ ایسوسی ایٹ پروفیسر ہونے کی وجہ سے ہم نے ایاز محمود کے نام کی منظوری دیدی لیکن ابھی تک وہ نہیں آئے۔ اس حوالے سے ہم نے پاکستان کے سفارت خانے کو 12 فروری 2004ء کو خط بھی لکھا لیکن جواب ابھی تک نہیں آیا۔ یونیورسٹی کے شعبہ سیاسیات کے سربراہ اور اردو سبجیکٹ کمیٹی کے رکن پروفیسر ایس ایم حبیب اللہ نے ”جنگ“ کو بتایا کہ نیپال میں مسلمانوں کی تعداد 15 لاکھ سے زائد ہے۔ یہ تمام مسلمان اپنے گھرانوں میں اردو میں بات چیت کرتے ہیں۔ نیپال میں 100 کے لگ بھگ دینی مدارس بھی ہیں جن میں اردو بھی پڑھائی جاتی ہیں لیکن ہم یہاں انٹر، گریجویشن اور ماسٹر کی سطح پر اردو چاہتے ہیں لیکن پاکستانی حکومت یا سفارت خانہ اب اتنی دلچسپی نہیں لے رہا جتنی ماضی میں تھی جس کی وجہ سے یہ شعبہ 4 برس سے بند ہے اور اب ہم بھارتی حکومت سے بات کر رہے ہیں کہ وہ اس سلسلے میں ہماری مدد کرے۔

بشکریہ : روزنامہ جنگ

انٹرنیٹ کا بانی، گوگل میں شامل

2005-09-13T05:54:00.000-07:00

گوگل نے کمپنی کے مستقبل کے تعین کے لیے انٹرنیٹ کے بانی ونٹ سرف کی خدمات مکمل اختیار کے ساتھ حاصل کرلی ہیں ۔ نیٹ کی دنیا کی دیو مالائی شخصیت ونٹ سرف تین اکتوبر سے گوگل میں کام شروع کریں گے اور وہ گوگل کو اس کے کام اور ان ٹیکنالوجیز کو آگے بڑھانے کی پالیسیوں اور حکمت عملیوں میں مدد دیں گے جو گوگل نے اب تک حاصل کی ہیں ۔ونٹ سرف اب باسٹھ کے ہو چکے ہیں اور وہ انٹر نیٹ پر اس وقت سے کام کر رہے ہیں جب انٹر نیٹ شروع بھی نہیں ہوا تھا ۔ وہ اس نیٹ ورک انجیئرنگ گروپ کے ساتھ کام کرتے تھے، جس نے آرپنیٹ کمپنی قائم کی جو بعد میں انٹرنیٹ کی پیش رو ثابت ہوئی ۔ سرف آرپ نیٹ میں ان تصورات پر کام کر رہے تھے جنہیں ہم اب انٹرنیٹ کے نام سے جانتے ہیں ۔ انہیں اسی بنا پر انٹرنیٹ کا بانی کہا جاتا ہے کیونکہ انہوں نے ہی ٹی سی پی / آئی پی کے وہ کلیے دیے جن سے اس بات کا تعین ہوا کہ کس طرح نیٹ لیبل ڈیٹا کو اِدھر اُدھر منتقل کریں گے ۔ انہوں نےوہ بہت سی ابتدائی تکنیکی دستاویزات تحریر کیں جنہیں آر ایف سیز یعنی تبصرے کی درخواست کا نام دیا جاتا ہے۔

سرف کا کہنا ہے کہ گوگل کے سینیئر سٹاف سے ملنے کے بعد مجھے احساس ہوا ہے کہ کتنا غیر معمولی ٹیلنٹ گوگل میں موجود ہے ۔ ان کا کہنا ہے کہ وہ گوگل فیملی کی عملی اور غیر معمولی تخلیقی صلاحیتوں سے بہت متاثر ہوئے ہیں ۔

ذریعہ

گوگل کی ڈیجیٹل لائبریری

2005-08-13T23:28:00.000-07:00

گوگل نے دنیا کی اہم لائبریریوں میں موجود کتابوں کو ڈیجیٹل شکل میں ڈھالنے کے منصوبے پر عمل درآمد روک دیا ہے
۔
گوگل نے کروڑوں کتابوں کو ڈیجیٹل شکل میں اتار کر انٹرنیٹ کے ذریعے دنیا میں ہر جگہ دستیاب کرنے کے اس منصوبے پر کام اس تنقید کے بعد روکا ہے جس میں کہا جارہا ہے کہ ایسا کرنے سے ان کتابوں کے کاپی رائٹس کی خلاف ورزی ہوگی۔ گوگل کے حکام نے کہا ہے کہ اس منصوبے پر اس سال نومبر تک کام روکا جارہا ہے تاکہ اس سلسلے میں ناقدین کے شکوک و شبہات کو دور کیا جاسکے۔دو سو ملین ڈالر کی لاگت کے اس منصوبے کے تحت گوگل امریکہ کی چار بڑی لائبیریوں کا مواد ، جن میں سٹینفورڈ ، ہارورڈ ، مشی گن اور نیویارک پبلک لائبریریاں شامل ہیں، 2015 تک ڈیجیٹل شکل میں ڈھالے گا۔ گوگل اسی منصوبے کے تحت برطانیہ کی یونیوسٹی آکسفورڈ کی ایسی کتابوں کو بھی ڈیجیٹل شکل میں اتارے گا جن کے کاپی رائٹس نہیں ہیں۔

گوگل کے حکام کا کہنا ہے کہ اس منصوبے کا مقصد ان کتابوں کی دنیا بھر میں انٹرنیٹ کے ذریعے لوگوں تک رسائی کو آسان بنانا ہے لیکن وہ یہ سمجھتے ہیں کہ کئی ناشرین کو خطرہ ہے کہ اس سے ان کتابوں کے کاپی رائٹس یا حقوق کی خلاف ورزی ہوگی۔ اسی مقصد کے لئے گوگل نے ان کتابوں کو سکین کرنے کا کام نومبر تک کے لئے ترک کردیا ہے۔

یہ وقفہ اس لئے دیا گیا ہے تاکہ ناشرین اور مصنفین گوگل کو یہ بتا سکیں کہ کن کتابوں کو کاپی رائٹس کی وجہ سے سکین نہ کیا جائے۔ تاہم گوگل کے اس فیصلے سے بھی کئے پبلشر اور ناشر مطمئین نہیں ہیں اور ان کا کہنا ہے کہ گوگل کاپی رائٹس کے تمام قوانین کی خلاف ورزی کررہا ہے۔

میرا خیال تھا کہ کام شروع سے ہونے سے پہلے ختم کرنے والی بات صرف پاکستان میں ہے ، لیکن اب پتہ چلا کہ یہ بیماری باہر بھی موجود ہے ۔ مشکل سے کسی نے یہ نیک کام شروع کیا تھا مگر لوگوں کو تکلیف شروع ہو گئی ۔ گوگل یہ کام یقیناً ان لائبریریوں کے منتظمین کی اجازت اور معاونت سے ہی کر رہا ہے ، لہٰذا ان ناشرین اور مصنفین کو لائبریریوں کے حکام سے بات کرنی چاہیے ۔ اور اگر گوگل سے بات کی بھی جاتی ہے تب بھی مصنفین کو یہ بات ذہن میں رکھنی چاہییے کہ وہ پہلے ہی اپنی کتابوں سے بہت پیسا کما چکے ہیں ۔ اب اگر ان کی یہ کتابیں مستحق طلباء کو سستے داموں مل رہی ہیں تو ان کو تکلیف نہیں ہونی چاہیے ۔

ذریعہ :

بی بی سی اردو ڈاٹ کام